عواكيس

*الغالي ابوالعواكيس تحية وبعد: ياخوي وش بلى التحكيم قلنا يمكن الجولة الاولى وخلاص طلع التخبيص أكبر والمهنا حاول يرقعها وشكلها ماتنترقع انت وش رايك
محمد العماري-الخبر
-ايبالله ماتنترقع لو استعانوا ببناشر صناعية أم الحمام!
*صاحب المليون رسالة ابوالعواكيس تحية محبة وتقدير: وش تعليقك على الحكم اللي جابه أحد الاندية يثقف لاعبينه بالقانون يقولون علشانه خبير؟
علي الفريح-الرياض
- خبير بالطرد والعجراء!
* عزيزي معوكس ظنك تغير شي في برامج القنوات الرياضية يعني شفت اخراج صح وتحليل ومادة تثقيفية؟
نواف الصيخان-حي الفلاح
- شفت اللي يغردون بالتعصب مرتكزين على بالهم بنيس والمستكاوي!
* الاحلى والاجمل الناقد الساخر ابوالعواكيس هل تؤيد حديث مدرب المنتخب يوم قال أخترت اللاعب اللي يخدم طريقتي في اللعب شكله يضحك علينا وآخرتها يلحق بريكارد؟
بندر العصاد-عنيزة
- يلحق بريكارد واللي قبله والحسابه تحسب!
* قاهرهم وحابس دمهم ابوالعواكيس وش قصة اتحاد الكرة المتحدث الرسمي يصرح ورئيس الرابطة ينفي والمسؤول يتدخل ويعد بالتحقيق وين التطوير والتنظيم والخطط انت وش رايك؟
عزيز الشمري-حائل
- شكل الطاسة ضايعة يابعد حيي!
* أقوى ناقد ساخر معوكس: أشوف كل الفرق تستفيد وتضرر من أخطاء الحكام لكن التركيز في الاعلام على فريق واحد أنه مستفيد والحقيقه أنه المتضرر الأكبر؟
أحمد الحمد-بريدة
- ضريبة الاكبر شعبية وبطولات!
* الاستاذ معوكس ما تلاحظ ان غياب افضل وابرز حكم سعودي مرعي العواجي فاقم من الاخطاء التحكيمية في أهم المباريات.. وش الحل ياصديق الطيبين؟
راشد الدوسري - الخبر
- ما فيه حل ولاحيلة!
*الحبيب معوكس ودي أعرف ليه اتحاد الكره ينظم مسابقه للاعبين الاولمبيين وفرقهم تنسقهم ولا تثق في إمكانياتهم وتشتري عقود لاعبين بالملايين وتحرمهم الفرصه وش الحل برأيك؟
عبدالعزيز السعد-حي الشفاء
- لاوشكل بعضهم بيعتزل وهو في فريقه الاولمبي!
* عزيزي معوكس معقولة تنسى الجماهير الطائي "صائد الكبار" اللي أبرز سيد حراس آسيا محمد الدعيع وقبله أخوه عبدالله أنا ودي أفرح برجعته للاضواء برأيك نشوفه السنة الجاية؟
عبيد الرشيدي-حائل
- ولا اللي بعدها!
* الناقد الشهير معوكس برأيك ماهي أبرز أسباب عدم صعود الرياض مدرسة الوسطى الى دوري جميل بعد أن كان قاب قوسين أوأدنى من الفرح بالصعود؟
عاشق المدرسة -ابوعبدالرحمن
- صكة البلوت اللي كل يوم قاب أربع مية أوأدنى!
* ناقدنا الكبير ابوضحكة جنان عكوسي ماهو إفطارك المفضل كل صباح بمعنى هل تتبع رجيم ونظام صحي سليم ونموذجي
ابراهيم الكعبي-الرياض
- أما نظام صحي كثر منها ماغير فول قلابة وتميس وكبده نص استوا!!
* خفيف الظل معوكس اشوف فيه من يحاول يقلدك في بعض المطبوعات وأن كنت اشوفها صعبة قوية وفيها ثقل دم وبعيدة عن الطرافة والسخرية الجميلة مايقدرون ياصلونك
الشبابي-عبودي
- مايقدرون ويحلمون!
* الاستاذ معوكس تحية وبعد: يرضيك الهجمة على عميد الاندية البطل الاتحاد والبعض وصل بهم يعنونون "الاتحاد للبيع" ياترى من اللي وراها؟
عاشق العميد-مازن القرني-جدة
- ريموت المنقذ!
* عزيزي معوكس وش رايك بالحكم اللي يطلب من رجل الخط أن يرفع الراية على الأهداف الصحيحة؟
صالح العلي-سدير
- شكل أعصابه ماتحمل!!
مع تحيات معوكس وسلامتكم
للتواصل مع معوكس
بريد الكتروني
sport@alriyadh.com
فاكس 4871070