عواكيس

*الفنان ابوالعواكيس
تحيه طيبه وبعد:
ودي أعرف رأيك في عميد(.....) اللي اتعبه الازرق وهبل فيه لا ومن قوة الوجه يبي يعلم ريسنا من اللي يهاجمه ويهاجم رموز النادي ونجومه؟
بندر العصاي - عنيزة
-اللهم لك الحمد ليته يعلم نفسه اللي من بدأ يهاجم الى اليوم خمسين بطولة وهو غرقان في القانون والسمسمية!
*صاحب المليون رساله ابوالعواكيس
تحية كلها محبة وتقدير لشخصك الحبيب وبودي أن أسألك لوكنت مكان ادارة التعاون ماذا ستفعل امام حكاية التقرير الشهير ودمت صديقاً ماعندي أوفى منك؟
عبدالرحمن العمر-بريدة
-ماذا سأفعل ابقلبها كليجا بالتوفي!
*قاهرهم وحابس دمهم ابوالعواكيس
تحيه وبعد:
بصراحتك المعهودة تتوقع بعض اللاعبين اللي وقعوا على ملايين ياخذونها ولا مثل مانقرأ عن اللي قبلهم شكاوي وغياب عن التمارين؟
علي العبيد-الزلفي
-شكاوي تذكرني بشكاوي محترفي مرخ وطويق!
*الناقد الساخر الشهير معوكس
تحيه وبعد:
ماعندك خبر تكفى عن وجهة حسين شيعان ياخوفتي يرحل عن الليث ونتورط مافيه بديل لابوعبدالله أسد العرين الابيض؟
الشبابي-عبودي
-وجهته حسب ميول الوكيل!
*العزيز معوكس
بعد التحيه والتقدير:
ماهو تعليقك على الذين تسرعوا وهاجموا المدرب الوطني خالد القروني واتهموه بمحاربة فرقهم علشانه ما اختار منها أحد للمنتخب؟
المنتخباوي - ابو ياسر
- مطافيق!
*عزيزي معوكس
تحيه وبعد:
لمن تهدي اغنية يامخلفين الوعود
عزيز محمد - الخبر
- للي وعد بالصوت والصورة وأخلف وغير السالفة!
*الغالي ابو العواكيس الى متى ونقاط عميد الاندية تتطاير ومن خسارة لخسارة وياقلب لاتحزن..؟
عاشق العميد-خالد اليامي-جدة
-الين يطير راس كانيدا بأمر ابونوران!
*الحبيب ابوالعواكيس
تحية طيبه وبعد:
شفت ماشاء الله قلعة الكؤوس ما اسرع عاد للفورمة يقولون جاب اختصاصي نفسي وهذا اللي خلاه يضرب في مرمى الاتحاد بالثلاثه وبغت تصير اربعة ليش النصر ما يستنسخ التجربة يمكن يرجع للمنصات؟
سطام العتيبي-الرياض
- ماخلوا شي ما استنسخوه متجر وروماني والحال ماتغير!
*مرحبا ألف ابوالعواكيس احييك من عروس الجنوب وادعوك لمأدبة برشومي ورمان فمتى تحدد وتعلن قبول الدعوة وحضورك
عمر عباس-ابها
- بعد المربعانية الحين مشغولين بالحنيني والمرقوق!
*الاستاذ معوكس
تحيه وبعد:
وش رايك بحكم مباراة الهلال وهجر ودي اعرف ليه مااحتسب بلنتي الكوري الا بعد اشارة رجل الخط يعني مايشوف ياليت لبسوه نظاره علشان يطبق القانون
نواف الصيخان-حي الفلاح
-ماعنده نيه لو لبسوه دربيل!
*الغالي معوكس لو كنت محل ريكارد مرتب كبير ودلال على كيف كيفه بصراحة تستقيل من عملك وإلا لا؟
عبدالعزيز ابوسعد - الشفاء
- شوية أستقيل تقاعد مبكر ولهم نهاية الخدمة!
*هلا والله ابو العواكيس اشتقنا لك ياحلو والله اشتقنا تتوقع يصير لمحمد السهلاوي مثل ماصار لهوساوي والفريدي؟
عاشق العالمي ابوسلطان - الدرعية
-ابدا مثل ماصار لعيد جنب مندي العريجاء!
*أشهر محلل ابو العواكيس
تحيه وبعد:
ليه حكم الهلال وهجر ما منح النجعي ولا حتى كارت أصفر ظنك ميوله لها دور؟
حمد الدوسري-العزيزية
- لها دور ودبلكس وكتابة تقرير بعد يومين!
*عزيزي معوكس
تحيه وبعد:
ماذا تصف بخبرتك بعض البرامج الفضائية الرياضية يعني بالعامية وش كنها يابوالعواكيس؟
مشعل الصيخان - حي الفلاح
-كنها بعض المسرحيات الكوميدية اودرب الزلق!