عواكيس

* الاخ معوكس وش رأيك باللي يردد في احاديثه الرياضية الاعلامية عبارة "الامانة" بين كلمة واخرى, شكله بالفعل أمين؟
بدرالخالدي- الهفوف
- يمكن دايخ من طاري الامانة وخائف تجرفه سيول الكذب!
* الاستاذ معوكس صحيح ان عندك خبرة في تقييم الحكام وانك مرشح لأن تكون خبير في (الفيفا).. تكفى ساعد التحكيم عندنا على النجاح؟
سعود الشريهي- حائل
- مرشح ارحمك الله يابعد حيي!
* الأخ معكوس الإدارة الهلالية مطالبة بحسم أمر الجهاز الفني قبل نهاية الموسم الجاري فإن كانت مقتنعة بالكرواتي زلاتكو فيجب دعمه بالإعلان الرسمي باستمراره، وإعطائه حرية التعاقد مع اللاعبين الأجانب حتى يتحمل المسؤولية؟
متعب الشمري
-المشكل تحمل المسؤولية !
* العزيز معوكس بعض الناس فرحانة اكثر من الفتح ببطولة الدوري على الرغم من غيابه عنها لاعوام طويلة وش السبب برايك؟
خالد القحطاني- عسير
- ياكثرهم وهذا اللي خلى المحلية صعبة قوية!
* كبير النقاد معوكس متى نشوفك محلل رياضي عشان نرتاح من بعض المحللين الذين صجونا بكلامهم المكرر وعباراتهم المستهلكة؟
يوسف السويلم - الجوف
- ان ارتحنا من وين لنا "درب الزلق" نضحك عليه!
* الاخ معكوس بكل سهولة اصبح محمد نور خارج اسوار نادي الاتحاد وغير مرغوب به هذا رد الجميل، اجل نقول اهرب يا نايف هزازي قبل فوات الاوان راح فيها احمد الفريدي؟
متعب صويان
- رد الجميل ولانور؟
*الاسطوره معوكس ماهي الثمار التي سيجنيها نادي النصر من ضم اللاعب ابونوران محمد نور
عبدالله المطيري-ابونايف
- وانت شايفني فاتح بسطة موز وتفاح في سوق عتيقة!
*قاهرهم وحابس دمهم ابوالعواكيس وش يذكرك موقف الملحق والمطبوعة اللي يطاردون (البعبع) ويحرصون على نقل احاديثه الفضائية الله واكبر ياحوارات اوباما؟
احمد الحمد-بريده- حي الجامعيين
-كنهم رقية وسبيكة!
*صاحب المليون رسالة عكوسي عندنا في الحاره فريق من كبار السن يلعبون كرة قدم وبصراحة يفتون كوره ماخبرت لهم فريق الدعوى لاتحتاج فترة تسجيل ان بغيتهم محترفين ولاهواة تقترح وين يروحون؟
نواف الصيخان-حي الفلاح
-العريجاء يلقون من يضفهم وجدانهم بانتظارهم!
*العزيز الغالي معوكس وش رايك في الفنان الكويتي ابوصالح الله يرحمه في "درب الزلق" يوم جاء يخطب "ام سعد" وحسينوه واكل له علقة وماتشوف الا العقال والغضار والمطبخية على رأسه وش يذكرك به؟
موضي الهلالية-بريدة
- مايذكرني مفروض وقع اتفاقية سلام وعساه يسلم من الطق!
*الحبيب ابو العواكيس يقول بعض الناس والله زمن اللي الهلال يفاوض لعيبة الاتحاد وش تعليقك؟
بندر العصاي-عنيزه
-وانا اقول والله زمن اللي المطرودين يحكون!
*الاملح والاجمل خفيف الدم معوكس ليش بعض المذيعين في بعض البرامج الرياضية يستضيفون بعض الرياضيين في المساء؟
حمد الدوسري-ابومبارك-حي العزيزية
-علشانه يستضيفهم في الصباح!
*ابشر..أبشر يابوالعواكيس جاك التخصيص تتوقع يحل مشكلة الكرة السعودية ويعيدها للقمة والعالمية ولا العكس
امل-عنيزة
-القمة ولابسمتي؟!
*يامعوكس كفاية ضغط نقدك الساخر اللي في الصميم بهذل اللي يبون كل شي على كيفهم وسلم لي على الانضباط والاستئناف اللي ردوا على بعض التغريدات.
عبدالعزيزالصالح -الرياض
-ضامنها وآخرتها بلوت وضومنة!
مع تحيات معوكس وسلامتكم
للتواصل مع معوكس
بريد الكتروني
sport@alriyadh.co