عواكيس

* الأستاذ معوكس لو كل عضو شرف يطلع بالتلفزيون ويسوي مداخلات يدفع مقابل ذلك فلوس للنادي ترى كم عضو شرف يطلع ويصرح ويطالب المعدين بالمداخلات؟
فهد العويرضي – تبوك
- يكفيهم واحد نائم والسماعة في اذنه!
* احترنا يابو العواكيس من تحمل تدهور الفئات السنية في الهلال، الادارة الكبيرة ام الادارة المشرفة، ياخي شف لنا حل والا تعال عندنا مدرب واستلم الخيط والمخيط وورنا شطارتك؟
سعيد الطلفاح – رفحاء
- الحل النوم في المسرح لين يفرجها الله!
* العزيز معوكس هل لك علاقة او اتصالات بموقع ويكليكس المعروف بنشر الوثائق السرية؟
خالد الردهان – حفر الباطن
- لاتصالات ولاموبايلي!
* صراحة يامعوكس اني كل ما مريت من عند بيتكم اسمع انين مدري صحيح والا يخيل لي؟
حمدان البارقي- القنفذة
- وش دراك ان بيتنا في حي السلام!
* المصرقع معوكس احمد ربك ان ما انت حكم والا كان رحت فيها؟
محمد الراجح – الحريق
- ولاتنسى المصور اللي يدور الكاميرا من اسبوع!!
* الغالي معوكس الصحافة مع الاسف ما تحرى الحقيقة خاصة ضد عبد الغني، تراه ما سوى شيء في مباراة النصر والتعاون، الرجال كان يبي يحل المشكلة، انت عارف ابو علي تاريخه نظيف؟
عبد العزيز الدويخ – الرياض
- حسينوه من جاء للنصر والفريق يباري الحكام وحراسهم!
* كيف حصل ياستاذ معوكس احمد الدوخي على جائزة أفضل لاعب في الجولة رقم 16 من الدوري وكيف دخل فريقه التصويت وهو معاقب بالغرامة المالية وشلون تجي هذي؟
جمال النمر – الدمام
- الشرائح كلها لك ياغالي!
* الصريح جدا معوكس ليش ما تسوي قناة وكلها اللي يشجعون فريقك يكونون عندك اللي مذيع واللي مخرج واللي معد والضيوف كذلك .. ترى الدعوى ما تبي شيء؟
سمير باريان- جدة
- اكيد ما تبي شئ والمهابيل على قفى من يشيل مشاركة مداخلة جاهزين!
* كيف يا معوكس بعض الصحف اللي كانت مع النصر هالحين قلبت عليه وكشفت حجم الديون المتراكمة عليه، يعني نسوا العيش والملح؟
فالح الغضوري – الوجه
- العيش والملح مقطوع وملحنا وعيشنا لنا!
* يعني هالحين يامعوكس شعار بعض الناس اذا هبط مستوى لاعب وإلا طرده الحكم والا سوى شيء غلط يرشحونه لجائزة "زين"؟
حمد المريحمي - اسبطر
-بلاها دائم للشين!
* على غرار جائزة أفضل فريق في جولات الدوري اقترح يامعوكس جائزة لأفضل كاتب أسبوعي يمكن يحالفك الحظ وتدخل التصويت؟
هادي المقاطي – الدوادمي
- التصويت يتبدل في الوقت بدل الضائع!
* يعني يامعوكس بعض الناس ما يكفيهم وجود إبراهيم العمر في لجنة الحكام وعبدالله القحطاني في لجنة الانضباط وغيرهم كثير وانتظر المزيد؟
سالم الدغيليبي – الطائف
- المزيد في العدد القادم!
* كيف هالحين يامعوكس اللي مطرود من التحكيم يصير عضو لجنة مهمة ويصير المتحدث الرسمي؟
راشد السويدان - بريدة
- وليته يتحدث زين!
* ما عاد شفنا يامعوكس أصدقاء فيغو عقب مباراة الفيصلي عسى المانع خير؟
رضوان حميد – المدينة المنورة
- انتهى عرض المسرحية!
* وش رأيك يامعكوس برئيس نادينا اللي رحل بعدما سدد الديون وصعد بنا إلى الممتازة وخلانا ننافس على المشاركة في الدوري الآسيوي وجاب لنا صامويل ايتو.. احترنا ما ندري نطلق عليه لقب الرئيس الذهبي وإلا الماسي.
محب الطائي- خالد الشريهي – حائل
- الرئيس الفضائي!
*صحيح يامعوكس أن التقرير الفني أوصى بإيقاف الدوخي أربع مباريات وان التوصية لم تنفذ، من وراء ذلك لايكون زميلك صياد؟
بندر العصاي- عنيزة
- اوصى بمنحه جائزة!