عواكيس

* الأخ معوكس هل مليت من مشاكل الرياضة ومتى تقرر الاعتزال، اعتزل النعيمة وماجد والمصيبيح ولم تعتزل؟
متعب صويان
- انس الرحيل يابو صويان.. قررت اقعد على قلوب بعض الناس
* العزيز ابو العواكيس
تحيه طيبه وبعد
اذا كان النصر يشتكي من التحكيم في مباراته مع التعاون ليه ما طلب حكام اجانب في مباراته مع الشباب، بدل مايشتكون ويقولون المباراة سلبت منا بفعل فاعل؟
ابو زياد الزغيبي
- وانت ما غير تدربي رأسك ما فهمت السالفة!
*عيدك مبارك سيد عكوس بلغ كل النقاد والمحللين بأن الدوري هلالي؟
عبدالله العبيوي المطيري - الرياض المصيف
- اي نقاد.. الشنيف وربعه .. والا زعيطان ومعيطان؟
*الاخ العزيز ابوالعواكيس تحيه طيبه وبعد.. كل عام وانتم بخير وعيدكم مبارك، ابشرك تعين رئيس جديد لنادينا والمشكلة ان اللاعبين يطالبون الرئيس بأقامة مباريات ودية مع العلم ان الميزانية لا تسمح؟
محبكم ابومحمد - روضة سدير
- شكل الميزانية راحت على الطرطعان بالعيد!
*أخ معوكس وش رأيك تعيد عندنا في الخبراء القديمة صدقني العيد غير مع ذكريات بيوت الطين والسوق القديم وأضمن لك صورة في المنتدى؟
سفير الحلة - الخبراء
- أجل ماغير انا وانت والباقي يتندحون في السولدير
* الاخ معوكس ماذا تقول عن لجنة الانضباط وماهي الفوائد منها في دوري "زين"؟ ولماذا لم تقم لجنة المنشطات بالكشف عليك كونك رياضي ولك اكثر من ثلاثين سنة وانت في هذه الزاوية؟
متعب الشمري
- بالنسبة للانضباط فمازالوا يتقصون الحقائق.. "الشرخ" في الاذن اليمنى والا اليسرى لزينجا، اما "المنشطات فالاقتراب من معوكس ممنوع مثل بعض اللاعبين!!
* الله يامعوكس ياحلو الكرة زمان ويازين تواضع اللاعبين من اول، كنا نزور معسكر نجوم الاتحاد بقيادة جميل والخليوي وكانوا يستقبلوننا بكل حفاوة واحيانا ندخل المعسكر نتجول فيه؟
المشجع الاتحادي محمد الغامدي- جدة
- أجل نجوم ذا الزمان ماعطوك وجه!
* الا تتفق معي يامعوكس ان بعض من يدعون انتماءهم الى الاعلام اصبحوا رمزا للغوغائية وغياباً للحياد والمنطق؟
زامل العواد - حفر الباطن
- ما نقول الله يعينك ويعيننا على " ابو صياح" وامثاله ومالنا الا طبيب الاذن والانف والحنجرة فصراخهم مؤذي!
* وش رأيك يابو العواكيس بالشرفيين اللي قبل مباريات "الدربي" والا المباريات المهمة ارتزوا في التدريبات؟
نواف المقيطي - بريدة
- لو الدعوى فيها دراهم ونظام "ساهر" ما شفت ولا واحد!
* كيف رأيت لجنة المسابقات يابو العواكس وليش برامجها ماهي مضبوطة؟
ربيع الدوسري - الخرج
- مسكينه هاللجنة .. اذا فشلت مسابقتنا حطوا كل شيء برأسه.. ياناس شوفوا العلة الرئيسية وبعدين تكلموا؟
* المصرقع معوكس، ماهي اكلتك المفضلة وكيف تعاملت مع المفطحات بالعيد؟
ناصر الفويرع - الحناكية
مطبق بالبشاميل!
* وش سبب يامعوكس غياب سليمان القريني عن النصر.. ما يرجع لفريقنا ابو حمد صراحة انه اداري محنك وهو اللي شايل كل شيء؟
خالد الويباري - الدمام
- ابو حمد فعلا اداري محنك بس فكوه من اللي يترززون وآخرتها قلبوا عليه يوم ما اعطاهم وجه!
* تذكرت يامعوكس بعض النجوم السابقين وجاء في بالي احمد جميل وخالد الدكان وفهد الهريفي وش الفرق بينهم؟
تركي المانع - تبوك
- كلهم ابناء بلد واحد وخدموا الرياضة!
* فسر يامعوكس اللي يزور بعض الشخصيات الرياضية في المنطقة ويقول هذي دعوة زواجي وهو ما تزوج وش يبي يوصل له بالضبط؟
ساجر العتيبي - الدوادمي
هذا يلزمه كي على الرأس عشان ما يطر ثاني مرة!