معوكس

*السيد معوكس صباح الخير وش رأيك بسعودة الأجهزة التدريبية لأندية الدرجه الأولى؟
عبدالله صفوق الرياض - حي المصيف
-وين سعوده معه وسويح رايح رايح وعجلاني جاي!
*يابوالعواكيس انت تدري اغليك كثر غلا .. صالح ولد خالي وأتفاءل بأبتسامتك الجميلة.. عاد ودي افتح محل حلويات وبساكيت يحمل اسمك.. بس اخاف ما أربح ولا احد يشتري مني محتار؟
بدر اليعقوب - القيصومة
-سمها بساكيت القرن والربح مضمون!
*أخ معوكس: انا مستغرب ان كراسي استاد الامير فيصل بن فهد باللون الأزرق وأنت إلى الآن لم تعترض؟
سفير الحلة - الخبراء
-حظ الهلالي يلبس أبيض ومايحتاج علم!
*وش رأيك يابو العواكيس بمداخلات بعض الاعلاميين في الفضائيات صراحة انها تفشل لاصوت حلو ولاثقافة ولامنطق ولاحياد يعني صب قهوة؟
سعد المراقشي - الطائف
-صب قهوه وقسم على السمسمية!
*تحياتي لأبو الابتسامة الحلوة معوكس
تصدق تصورت ان الحزم يلعب مربع السوبر الاسيوي يوم طلبوا حكم اجنبي قدام الشباب؟
عبدالرحمن المؤذن - بريدة
-المسألة تكتيك مايفهمه إلا بعض الناس!
خليفة عايل
*الصارم معوكس
هل هو صحيح ماحدث بين نجمي المفضل طارق التايب ومدرب الشباب باتشيكو في التدريب وان المدرب طرده ياحسرتاه المدرب مايقدر المواهب؟
طراد الشمري - حفر الباطن
-المدرب شكله مايحب بيض العيون!
*الكاتب الطائر معوكس
برأيك لماذا لم يتفاعل الجميع مع حصول الاتحاد على لقب النادي الاول عربيا الذي منحه اياه الاتحاد الدولي للاحصاء والتاريخ.. اعتقد انه التعصب القاتل؟
مراد فلاته - جدة
-بلا موقفهم حرج تورطوا والا ودهم أن العنوان على الثمانية!
*الموهوب ابو العواكيس
سلامي لك من الدمام
ماذا حل بالاتفاق .. الظاهر انه عين ما صلت على النبي؟
مشهور الراشد - الدمام
-عين على عايل وصمام الكورنيش سياف!
*يقولون يامعوكس انك صديق سامي الجابر وانه يستشيرك ببعض الامور الخاصة بالهلال.. ماصحة ذلك؟
فهد الرشيد - الرياض
-ماله صحة ولا مواصلات!
*ياليتك يامعوكس لاعب ويدربك غيرتس .. كان تهون عن تعصبك وتتعوذ من الكورة؟
خالد النومسي - حائل
-أما يدربني يكفيني مسة صباحية ولاني فوق الجسر المعلق!
*ماذا اقول عنك يامعوكس .. هلالي ام نصراوي ام من عشاق العميد..صراحة احترنا فيك؟
سعود الحبيب
-من عشاق المندي!
*وش رأيك بالكاتب يامعوكس اللي يطالب بالحياد وهو يخبرش في منتديات ناديه ضد النادي المنافس واي ماقال ماتنشره له الصحف يحطه بالمنتدى؟
رشيد الحمود - عنيزة
-الله يرحم حاله المستكاوي على غفله!
*لك كامل الود والابتسامات يامعوكس
مالذي حل بمدرسة الوسطى، وهل استلمت الادارة قيمة انتقال لاعبيها من النصر؟
ناصر الفهيد - الخرج
-حولوهم على ماسا ومسكوهم طويق!
*بحكم انك انسان تحب الفن يامعوكس ترى عندي استريو فيه العديد من الجلسات الشعبية.. تقفا خلصني منه لأني صارحه ابي اتجه للكتابة الصحفية؟
نايف المسمار - ابها
-بالعكس هذا وقت التسجيلات على قفا من يشيل!
*صراحة يابو العواكيس اكتشفت ان فيه واحد يطالب بالحياد ويوم فتشت في سجله اتضح انه اوقف قبل فترة بسبب تجاوزاته عندما تلفظ على النادي المنافس بالفاظ سيئة؟
ثامر البريدي - تبوك
-الحياد تلقاه في خط الفتنة اللي كنه برنامج أفتح ياسمسم يابو سمسمية!
*اقول يامعوكس تراك مصختنا .. وارجوك ترفق في نشر بعض الاخبار. ترى تشابك الحارثي وغالي طلع كذبة؟
نجيب المحمود - المدينة المنورة
-تشابك واللي شبكنا يخلصنا!
*بحكم انك خبير رياضي يامعوكس هل تؤيد تدمج الجبلين مع الطائي او العكس وهل نرى درعان الدرعان مساعدا لمدرب المنتخب الاول في السنوات مقبلة؟
كريم السنجاري - حائل
-الجبلين والطائي ماودهم يابعد حيي!
*هل تظن يامعوكس ان فهد المرداسي يسير على خطى شقيقه المعتزل ممدوح والا الرجال رسم له مسار صح؟
فهيد بن ناوي - رماح
-على خط كولينا!
*صاحب المخ الخارق
كيف يقول مدير هيئة المحترفين محمد النويصر ان الاتحاد الدولي للاحصاء والتاريخ فاشل اعلاميا وتسويقيا وهو اللي اختار الدوري السعودي في المرتبة 16 على مستوى العالم، كن ابو حميد ماهو معترف بهذ الشيء؟
خالد المهيمزي- الارطاوية
-ياحبكم للشر مايقصد والا عنده قصيدة!
*صراحة يامعوكس الاهلي مش ولابد وضعه صعب والظاهر ذكريات 1409 رايح تتكرر الله يستر.. ماهي الاسباب؟
سالم الرمحي- مكة المكرمة
-أسأل عبدربه!
*صاحب المليون رسالة ..معوكس تحية طيبة وبعد
وش رأيك باللي راح لمطعم سمك وقال عطني رز بالشوكلاته يقصد الصيادية
صديقك بندر العصاي -عنيزة
-وعندكم عطني النجمة بالمضغوط!