عواكيس

* أستاذ معوكس كتب المذيع فهد المساعد الشهراني مقالا بإحدى الصحف الالكترونية يقول: "كيف تكون نفسية لاعبي الأندية الأخرى وهم يكملون الدوري والكأس في دولاب الهلال ؟ بعدما قرأت ما كتبه تذكرت اقتراح رئيس الشباب خالد البلطان عندما طالب المساعد أن يرتدي شال فريقه عند تقديم أي برنامج يقوم بتقديمه .
مالك معاذ
أبو طلال
- أجل معه حق وناقص مع الشال طبل الرابطة!
* صباح الفل والياسمين معوكس شفتك بالحلم قبل يومين ياحليلك ونيس شعبي بس ما توقعتك أصلع وطفشتني بس أنا اللي أحاسب!
بدر اليعقوب- القيصومة
-الياسمين وحي غبيرة!
* صراحة أنت يامعوكس مع زملائك الصحفيين كل يوم لكم وجه، عقد نور تم تعديله «ولا عين رأت ولا أذن سمعت» وهالحين قلبتوا على الاتحاد بسبب عقد زيايه.. وش القصة؟
صنيدح العنزي-الجوف
- القصة طويلة وحسب الريموت و(تدسيم الشوارب)!
* هالحين انت اكيد مبسوط يامعوكس فريقك وفاز على السد القطري، المهم انتبهوا ترى كثرة التطبيل تجيب العيد؟
راشد الفهيد – القيصومة
- الا جابت العيد عيدك مبارك يأبو فهيد وعساكم من عواده!
* أرجوك جاوبني بصراحة يامعوكس وش قصة طارق التايب ما غير أسير العيادة وراء ما يصير طبيب أكيد صار عنده خبرة؟
نواف الفهيقي – طبرجل
- عنده خبرة وينافس برنابوك!
* يقولون يامعوكس انك منحوس ولو انك رئيس نادي كان هبطت به للأولى، فسر لنا الاسباب؟
جميل الرفيعي- المدينة المنورة
- أنا ما أفسر الأسباب والأحلام!
* ليش البعض يامعوكس صار يهاجم كوزمين يوم فاز الهلال على السد المفروض ينبسطون خصوصا أن الفوز باسم الوطن؟
صالح البريهي-الشماسية
- الله يقوم بعونهم ما يدرون وش الحل!
* ما تشعر ياأستاذ الغفلة أن مدرب الأهلي فارياس مجرد سكبة وان رحيله بأت قريبا؟
عمر باراضي- جدة
- فارياس ما قدر دموع مالك يوم انها اربع .. اربع!
* أيهما برأيك أفضل يامعوكس أكثر شعبية مالك معاذ سعد الحارثي ؟
فهد العمري - الرياض
- مثل بعض في الجلوس على الدكة والتبديل من أول دقيقة!
* شيء (يعور القلب) يامعوكس وفعلاً الكورة مالها أمان، مرزوق العتيبي يلعب للجبلين مش معقول؟
خالد الشريهي - حائل
- مالها أمان ولا ما ستركي وزمن ياعابر جبال أجاء وسلمى!
* متى تنافس يامعوكس على جائزة نوبل للحش؟
جمال الخويلدي -عرعر
أصلا ًبيأخذها النصر بالتصويت!
*صراحة يامعوكس قررت ان اطلق عليك لقب (مرسول الحب) لأنك سنافي ؟
غازي النومان- الخرج
- مرسول ومرسال خنشليلة!
* الظاهر ان ويلهامسون (ماسك خط البلدة) بدليل قوله ان الدوري السعودي لا يقل عن الدوريات الاوروبية؟
ثامر السيف-الرياض
- ان مسك خط البلدة ما يرده إلا البطحاء!
* أرجو أن تعطيني رأيك في حلقة (خط البلدة) الماضية ومن هزم خصمه؟
أحمد الغريبي- الطائف
- كلهم ما حولك أحد والله يرحم الحياد!
*الا وش رأيك يامعوكس بواحد يقول انه توقع فوز الهلال على السد لذلك نام قبل المباراة بعدما ضمن النتيجة وان أصدقاءه انبهروا من توقعاته؟
سالم الطويرش - تبوك
- عشان كذا طالبينه الارصاد الجوية!
* منهو خليفتك يامعوكس في الصحافة صياد والا غيره؟
طالب العنزي- حفر الباطن
- أحدد في مهرجان الاعتزال بحضور منتخب سدير أو مرخ بونايتد!