يا زين هالمنظر إذا جا مع السيل ثمٍ قفاه البرق يسبق رعوده يالله عسانا في الليال المقابيل نشوف شعبانه تملّي سدوده وتزين كشتتنا ومعنا المعاميل والكل منا ما تعدى حدوده سليمان بن عبدالعزيز السنيدي - الرياض وجه الوطا اكتسى غدران والمزن وسط السما لا زال أمطار خيرٍ عظيم الشأن خضار أرض وزِين أحوال جِعله عمومٍ على الأوطان باليمن والخير والإقبال الغيم والرعد مع لمعان ثم الودق بعدها هطال سعود عائش الحربي - جدة يا مرحبا بك يالوسم ألف ترحيب اقبل علينا الخير ساعة قدومك شفنا السحاب اللي يجي وقت ويغيب جانا البراد وحرّ قفّت سمومك هلّت بك الأمطار راحت لواهيب وكلٍ فرح بالسيل جتنا علومك خالد بن ناصر المخيمر - روضة سدير يا ناس يا حلو العشب حلو الأمطار في فيضةٍ فيها أم سالم تحومي جواً عليل ولمّة أصحاب.. وأخيار يحلى السهر يا ناس ما فيه نومي سالم الدوسري - الرياض للسيل شوقٍ حب دايم مقيمي في قلب من يهوى فياضٍ بديعة واللي به جروحٍ جديدة .. قديمي تنزاح في شوف المطر والطبيعة نورة الفاضل - بريدة الخير خيل ورثع واندفق ماه من السحاب اللي تهامل مزونه مع أول الوسمي وكل تمناه في كل وادي تجرهد على لونه حمد عبدالله الوايلي - حوطة سدير نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى: [email protected] صورة العدد السابق