هذي حلاة العمر بالبر لاطاب في نزهةٍ تجلي عن النفس الاحزان

الربع في كشته على جال الشريعه
برضٍ تسرّ العين مع مرٍّ .. وحالي
ميّ وخضار وجو بأرضٍ بديعه
تشوف بسماها صار للطير إجتوالي
ياما حلا الفنجال فأرضٍ وسيعه
وجيب اللوزام خوته هي شف بالي
الولع بالبر .. مع عشق الطبيعه
أجداد عن أجداد بأيّامٍ خوالي
ترى طراة البر لا أقبل ربيعه
سج القدم مع من تحب النفس غالي
وأحذر مجار السيل.. أحذر من تليعه
لا تنقلب متعتك أحداثٍ ثقالي
سعود عائش الحربي - جدة
الجلسة اللي تجمع ارفاق واحباب
في روضة خضرا بها كل الألوان
اربع شباب طبعهم حسن الآداب
وجيبٍ مكمل ما يجي فيه نقصان
هذي حلاة العمر بالبر لاطاب
في نزهةٍ تجلي عن النفس الاحزان
علي الرشيد - رياض الخبراء
ياما حلا المكشات بأرضٍ ربيعي
في خايع ما فيه غير الأصاحيب
والجو غايم والمطرله صبيبي
وسالت جميع الأوديه والمراقيب
السيل روّح منحدر للشعيبي
يدل دربه زين ماهي تعاجيب
الشاص خلّه واقفٍ يا رفيقي
احذر تهقوى خل عنك التجاريب
خليف فهيد الحربي - الرياض
سبحان الذي بصّر وفصّل
شاصٍ جديد وكملو له شراعه
تقصوا وحملوا عزبة البر
مظهور يرود الزين للجماعه
رفع الجنحان ونزّل وهبط
قالوا توكل سمعٍ .. وطاعة
ياما حلا الروض اليامنه ابذر
مع طلعة الشمس بأول شعاشه
مه نقوةٍ مابه الغثيث الأقشر
توافقوا على حبّ .. وقناعه
عبدالكريم العبيداء - حائل
جلسة خفيفه ما تكلف ولا شيّ
بجانب مسيلٍ في فلاة يتقهوون
جّواً طبيعي لا تدور لكم فيّ
الغيم غطا حرّة الشمس فالكون
بر الصحاري زان يوم ارتوى بميّ
وابل سحاب محدر به من مزون
ابعد عن الدافور وأشعل لكم ضيّ
هشيم عودان السلم به تشبون
مادام ما معكم فطور ولا عشيّ
تكفيكم الملّه اذا ما تحطبون
سعود عبدالعزيز الهزاع - نعام
يا صاحبي ماب السعاده بالأموال
ولا هِي بِقصر نايفاتٍ حُصُونه
ولا هِيْ بِسياره وَلَا بْكَثْرةِ عْيَال
ولا هي بِلِبْسَةْ خام طاغي ليونه
لكنّها في راحة النفس والبال
في سجّةٍ تنسيك همّ وْشُطُونه
في أرض رويانه وفيها المطر سال
من فضل ربي غاثها من مزونه
والعشب يا محلاه والزهْر يختال
والطير غرّد والطّرب في لحونه
والجو وجهٍ باسمٍ بِهْ تِهِلّال
في طلّتِهْ بَهْجَهْ لِمَن يِحترونه
يحق لأهل الشاص تجلس على الجال
في نزهةٍ صفْوِ الهنا يقطفونه
من حول ضَوٍّ اجتمع نخبةِ رْجَال
والشاي في ساعةْ بسِط يشربونه
في مشهدٍ ما مثْلِهِ بْكِلِّ الأحوال
يِعْجِزْ هَلِ التّوْصيف لوْ يَوْصُفُونه
ناصر جمعان آل عوض - وادي الدواسر
جانا الربيع اللي يسر النضر سر
وزانت لنا الكشتات والبر زان
واللي على الشاصي بعد طلعة الفجر
شالوا العزبه ووجهوا يم بلجان
في منظرٍ لا شافته العين تستر
يجلي همومك لو عليك الدهر شان
البرق كايف وسطه الشاي مخدر
وسوالفٍ يطرب لها كل ولهان
خالد ناصر المخيمر - روضة سدير
يا زين جلسةٍ على طرف الشعيب
تسولف مع احبابك وتنسى همومك
هذا صديق وهذا ابن عّم وهذا قريب
كلٍ يقول علمه وياخذ علومك
صلاح بن ظافر - خميس مشيط
السيول اللي مضت شفت انا شي عجيب
البشر شفنا بعضهم بوسطه في عراك
كم نفوسٍ روّحت والسبب فعلٍ غريب
وان نصحته ما يفكر ولا يسمع نداك
النداء كم وجهوا له ولا يمكن يجيب
ناس تضحك له ولكن مصيره للهلاك
وكل من حولك نحيب تتالى في نحيب
والنهايه ما فعلته ترى هذا خطاك
محمد عبدالعزيز الخنيفر - أشيقر
طاح المطر واروى ديار السناعيس
من شرقها للغرب لين الشمالي
اسبوع معه اسبوع دك المتاريس
هذي ورى هذي مزون تلالي
نحمدك يا ربٍ عطانا بلا قيس
ونشكرك من فضلك رويت السهالي
اكشت وكيّف وان حصل لحمة التيس
خذها مع العزبه وصفر الدلالي
ونبغا مكانك عقبكم ما بعد ديس
خلك نظيف ورايتك فوق عالي
عبدالكريم النغيمشي - لوذة
يا مرحبا بالسيل بحزّة وصوله
شفت العرب في جيته دوم مسرور
واشوف ناس بين صوله وجوله
من يدخله يا ناس بالحيل مخطور
ماينفعه ربعٍ ترى صفقوا له
وراحت حياته حيث مايسمع الشور
ريان محمد الخنيفر
صورة العدد السابق
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com ويا هلا..