صوت الصورة

جانا الشتا .. زانت لنا شبّة النار
زانت على جمر السمر قهوة الكيف
في مجلسٍ شعبي به ادلال .. ووجار
فيه انتسامر بالقصص والسواليف
ناصر بن جمعان آل عوض
بفصل الشتا يا زينها شبّة النار
في مجلسٍ يعجبك شكله .. ومافيه
لاجو كل الربع وافين الاشبار
وبدا حديثٍ وافياتٍ معانيه
صالح بن عبدالله التميمي - الرس
مجلس معزّه طيب نار ومعاميل
من يدخله ينسى العنى وزايد الهم
راعيه يفرح لا لفوه الرجاجيل
ماهو بزود المال المال شاقي ومهتم
وسوالفه طبّ القلوب المعاليل
لاجابها عودٍ حكيمٍ ومُلهم
فهد بن عقيل الطويان - بريدة
صورة العدد السابق
لاجاك من بعض الهواجيس هوجاس
وشبيت نارك وادلهم الضلامي
لاجا ضرم في ناضر العين وعماس
عندك دلالٍ يطردن الضرامي
قرّب معاميلك وقيسهن قياس
ودلتك لازم فوحها بالتمامي
هذال بن ضاوي العتيبي
صفة دلال كنها صف عرضه
ونار تواقد في لهبها .. وملقاط
موجة صقيع يَبُس العرق بارضه
والعاقل اللي في هالاجوا يحتاط
سعد الحماد - روضة سدير
الوسم جانا .. والشعابين سالت
والنفس نسيت همها والآلاما
والبرد حل .. وشبة النار حانت
والكيف زان مع حضور النشاما
دلّه .. وبراد .. وفناجيل دارت
وأشعار تروى والقصص والعلاما
علي بن معاضة – الرياض
شبيت نارك بالوجار الوسيعي
ترى الشتاء .. ترى الشتاء وجه ذيبي
هات الحطب .. هات الحطب لا يضيعي
ياما حلا المنظر .. ومنظر عجيبي
عبدالمحسن بن محمد المحيسن
هلّ الشتا والكل له مستعدي
في مجلسٍ مشبوب في وسطه النار
وصفوف رسلانن صفر ما تعدي
وشوف الحطب مرصوص مع قعطة آثار
سعود عائش الحربي
النار تشعم والحطب من وراها
والقهوجي روّح وخلا المعاميل
لا تامن الشبه وتامن بلاها
احرص وخلك من زحول الرجاجيل
غازي قاعد العتيبي – الدوادمي
يا ما حلا المجلاس مع شبّة النار
حول الوجار اللي يذكّر بالاجداد
في مجلسٍ فيه النشاما والاخيار
والسيل بامر الله من الجو يزداد
محمد عبد العزيز الخنيفر - أشيقر
المجلس اللي للعزيزين مدهال
جاهز مجهز بالحطب والمعاميل
والنار مشبوبه على كل الاحوال
اقلط تفضل واشرب البن والهيل
حمد عبدالله الوايلي - حوطة سدير
يا حلو شب النار من دون دخان
في هالمشب بالذات ماله مداخن
هذا الشتا شبّات توليع نيران
وإن ما حصل شبّات شرب السواخن
احمد نايف العصيمي - الرياض
مشبٍ مابه معزب ولا هو مدهل الضيف
عسى الله يجيب معزبه ويجيب ضيفه
يبي يسوي المعزب فنجالٍ على الكيف
بيصير مزبوطن على كيف كيفه
ماضي بن زيد القضاعي - الشعراء
ياما حلا المجلاس مع شبة الضو
وحوله ثمان دلال تبهير بالهيل
والباب طرق والمضاييف قد جو
دق النجر يا مرحبا بالرجاجيل
ياسر بن عتيق العزمة – الافلاج
يا زين شب النار والكيف مزلول
فنجال يقعد رأس منهو طلبها
صفت معاميله أباريق ودلال
والنار توهج .. والحطب قد شعلها
ريم العبدالعزيز اليوسف – الرياض
الله أكبر يا الليالي الماضيات
أهل السوالف والقلوب الصافياتي
حول الوجار علومهم غانمات
أحدٍ يرد السالفه .. أحدٍ سكاتي
سلطانة محمد الجبر
هذا هو اللي يطرب الروح يا ناس
مجلس جميل وفيه ذا النّار حيّه
يا حيّ شوف دلال ..ووجار ..ومحماس
هذي طرات الروح ما فيه زيّه
بشائر القحطاني - الرياض
نستقبل مشاركاتكم على إيميل الخزامى:
rb-khozama@alriyadh.com
أو الفاكس رقم: 4871070
ونرحب بالصور الهادفة والطريفة