صوت الصورة

عسى المجالس عامرات بأهلها
مجالس أهل الخير والعز والطيب
مجالس يفرح بها من دهلها
واللي يجيها من العرب والأجانب
زبن مقبل العنزي، بريدة
نار ونجر محماس والبن والهيل
من شافهن ماعاد يذكر اهمومه
مجلس نشاما يدهلونه رجاجيل
أهل البخل يا حيف منه محرومه
فهد بن عقيل الطويان، بريدة
سلامي على اللي ماسكٍ عادة الجدان
وبنه على الضوء يعمله قدم ضيفانه
ولا يعمله بالغاز من داخل البيبان
ولا يقربه ياكون رجل وذا شانه
مبارك محمد الصغاوين
نوبٍ يجينا اشباط في مارس اذار
ونوبٍ يجينا اغسطسٍ شاد حيله
يالله عسى بشباط تنهل الامطار
وبرقٍ يداعب رعدها في المخيله
خليف الحربي
الشيخ جهز مجلسه في محله
وحضر معاميله علشان ربعه
النجر والمحماس والكيف زله
مدهل رجال والمكاريم طبعه
حمد عبدالله الوايلي
يا حي ذا الشوف مشب ووجار ومعاميل
والعود ينفخ نارٍ شويٍ حطبها
قصه وقصيده حلا مجالس الرجاجيل
واحسن منها استماع المساجد وخطبها
محمد سعد القحطاني، الرياض
يا الربع ترى الجلسة حلوه معكم
غاليه علينا وتسوى الملايين
بصراحة سعة الصدر تدوركم
ومحبتكم على الرأس والعين
إبراهيم سعد العجلان، الرياض
توسع ضميري عقب ذا النجر والمحماس
وشوف الدلال اللي على النار مركبه
وضوء وبن ريحها يقعد الراس
عليها النشامى اللي على الكيف منقيه
نواف مبارك آل طرجم، وادي الدواسر
عبر الخزامى يا هلا الف حييت
وحي الفرايد واهلها والحجاوي
الخوي عندي كل ما أصبحت وامسيت
ماني عن الجوال شخصٍ غناوي
علي الزولاني، فيفا
مجلس تراثي يدهله كل من جاه
بوسطه تردد السالفه مع القصيده
بناه منهو تكسب الطيب يمناه
كريم لا جاه الضيف يوم عيده
خالد بن ناصر المخيمر، روضة سدير
نرحب بمشاركاتكم الشعرية حتى مساء الاثنين
على الفاكس رقم 4871070
أو الايميل الخاص بصفحة الخزامى
rb-khozama@alriyadh.com
زاوية: (صوت الصورة).. ويا هلا
صورة العدد الماضي