دله مع البراد والقدر والصاج والنار تشعم ياولد ويش خليت جلسة نشامى عندها فلة حجاج بالبر صدرك يتسع من غثا البيت عبدالحكيم طلق العضياني - الرياض ياليت من يلفي على اهل المعاميل انا على اللي مثلهم زايد الحرص بأقضي معاهم ساعةٍ يالرياجيل اما حصل وقت الغدا ناكل القرص سعود بن سعد الحافي - الرياض نار وقدر وادلال والخبز بالصاج في خبةٍ سيله درج ما بعد نش لاهات لاوده ولا اعيال وازعاج وسوالفٍ ما به منافق ولا حش فهد بن عقيل الطويان - بريدة تسلم يمين تحوف الزاد والدله وقرص وبراد يفطر به مخاويكم نبصم لكم بالعشر ياريس الشله انك مرتب غداكم مع قاهاويكم سعود بن عبدالعزيز الهزاع - نعام كشته في غار اخير من ألف سفره لا تبي حزمة متاع.. ولا تبي توثيق اجازه واطيب من مفحطات.. ومد سفره يا رفيع الراس راع العقل بالتفكير وازه عقاب بن سقيان العتيبي - الجمش تبغى السعادة حضر البن والهيل وقرب معامليك على جال ناره في صيهدن مخضر وريان بالسيل فيه الخزامى فايحٍ في نهاره احمد السليمان السويح - البكيرية يا صاحبي قرب قدرك مع المحماس مع دلةٍ فوق صالي النار تركبها نبي نروح البراري مثل الناس في ديرةٍ ربي المعبود يحميها عبدالعزيز عبدالرحمن الماجد - ثادق يزن لي المكشات بارضٍ على الكيف لامن نصبت البيت مع ربع اخيار وحولك رفاقك ثم تدير السواليف ودرت القهاوي والذبيحة على النار محمد بن عبدالعزيز الخنيفر - اشيقر قدر واباريق وصحن خبز ودلال لكن شب النار بالدار سيه ومهما فقد فقدنا شوف عذبين الاقوال وجو جميل وسط ارض عذيه سعود عائش الحربي - جدة القدر والصاج والبراد والدله في سهلةٍ سايله ياطيب الفالي تسوي القصور الكبار وعالي الفله اخذ كلامٍ صحيحٍ مابه جدالي سلطان بن حمد الحبابي - الطائف الظاهر ان النار نار ابن هذال معد صفحتنا كشت ما عزمنا قدر الغدا يطبخ ومن حوله دلال وحنا على المكشات بكره جزمنا محمد عفار المطيري - عنيزة ماض قديم وفيه عبرة بمجان نار وقدر ودلال وبريق شاهي وخبيزة حيفت على الصاج بدهان ذا مطبخ العيله ويمكن ملاهي عبدالكريم النغيمشي - الربيعية السيل جانا وسيل الوادي السيل وربعٍ نشامى للمكاشيت خطار معهم دلال الكيف والبن والهيل واشوف انا ابريقين والقدر والنار عبدالله بن شمسان البدراني - الرياض يا ما حلا المرجله هي والاصاله من قديم السنين لا ضرمت نارك وشم الجار والضيفان دخانها وجولك وقلطتهم على دله وبريق وكبش سمين اتحصل الطيب والنوماس ونفسك يرتفع شانها ماجد عبدالعزيز الثميري - المجمعة ياموقدين النار تحت المعاميل هدو سناها لايزيد السوادي سلمت يمين الذرب وتسلم اناميل من جهز الطبخه وغاية مرادي حمد عبدالله الوايلي - حوطة سدير الصاج والقدر والدله حتى الاباريق جابوها ثم جمعوها على المله يازينها يوم صفوها متعب جبر الغربي الكشته اللي ترد الروح فيها المعاميل مسطوره عان القدر والدلال تفوح ياليتني داخل الصوره سعود نجر الشمالي نستقبل مشاركاتكم الشعرية حتى مساء الاثنين على الفاكس رقم 4871070أو الايميل الخاص بصفحة الخزامى [email protected] زاوية (صورت الصورة).. ويا هلا.
