إفراش دله والتمر والفناجيل والمجلس المفتوح والنار حيه عوايد أهل الطيب بالصبح والليل ومعاني أهل الجود ماهي خفيه طيب الجدود اللي حموه الرجاجيل إدلا لهم ما بدلت زمزميه فهد بن عقيل الطويان - بريدة الدله اللي قدمت بالفناجيل ومعها الرطب وسط الصحن له تلاصيف تلمع كما لمع السيوف المصاقيل يازين شخبتها ليا صبت الكيف سقها على روس الرجال الحلاحيل أهل الشجاعة والكرم والمواقيف عمر بن دخيل الشلوي - الرياض يازينها من صورة بالجريدة دلة معها البلح والفناجيل مير ينقصها امور عديده اهمها شرابة البن والهيل أهل العلوم النيره والسديده مع ما تبقى من علوم الرجاجيل سعود عائش الحربي - جدة ياما حلا الفنجال لي حان وقته من دلة صفراء تزيل الهمومي معها بلح من عذق دوبك قطعته تقدمه مع دلة الكيف يومي نقدمه للضيف لو ما عرفته الضيف له حقاً على ابنا القرومي سلطان بن حمد الحبابي - الطائف لا حصل لك دلة معها تمر وجلسة فيها رجال طيبين كم تزين إلنا السوالف والسمر وكم يزين الهرج في جوا حسين وقلت أنا هذي من دلال الجبر الكرم طبعه ودمتم سالمين محمد بن عبدالعزيز الخنيفر - أشيقر المجلس المربوع ما احد يمله اللي يكلف للرجال المشاكيل يلقى به الضيفان طيب ودله مرفوق بالتمره وبيض الفناجيل وبن على الجمر المسوى يمله ومهيلات تلف عند الرياجيل أحمد بن راجح العصيمي - الطائف ياماحلا الدلة أم الهيل والخرفه في مجلس ما يجونه ناس أنذالي هذي تراها مناي وكل وعرفه ما نيب الأول ولا أقول أني التالي كل بوقته يشوف اليوم له حرفه ما كل مجلس لاجيته ينشرح بالي شبيب بن هذال السبيعي صوره لها بالقلب قدر وتقدير أعزها يافلان بأول شبابي قصت غرامي في هواها وأنا صغير وتبقى معي حتى لو الراس شابي حبي لها يفوق حب الغنادير ولاني من اللي يتبعون السرابي محمد عفار المطيري - عنيزة أهلا هلا ياللي بها الكار والكيف اللي لها عند العرب كل تقدير هي دلة صفراء تقدم على الضيف في مجلس فيه النشاما منا حير لا هي معبات ولا قهوة حنيف حكر المزاج مزعفرات مباهير سعود بن سعد الحافي - الرياض الله من راس بها البن كيف كيف عقب ماهو من الكيف خويان ودي اصيف بس ما قدر أصيف صيفي وكيفي دلة عودها بان مع الرجال اللي تضيف وتضيف لارحت منهم ياولد خاطري شان فهد مطلق المصارير الدله اللي بهرت زعفراني يازينها ياجت على فكة الريف يازينها حزّ فطور ارمضاني ويازين طعمه بالعويدي لياذيق مع حبتين خلاص طيب الميجاني أشقر لهيبه نار وقت التشاريق عقلا خزن العنزي - تبوك
