الأسبوع الماضي كان لغز الأسبوع للشاعر شبيب بن هذال آل وندان من الرياض والذي يقول: يا ويش عذرا بليا زوج وعليالي وعيالها دايماً معها تباريها عند النشاما لها تقدير واجلالي معشوقة من صميم القلب نقلبها وقد وصل للقسم في اليوم الأول للنشر واليوم الذي يليه ردود الشعراء على اللغز شاكرين لهم المتابعة والتفاعل.. بعض الحجاوي تبي فارس وخيالي يا دحيم قم اسرج المهرة وعطنيها والحقني في عزبتك للمرتب العالي والدله اللي من الدلال شاريها محمد أبو دحيم - البداح هلا بكم يا غريب العم والخال هلا بشبيب بن هذا راعيها الحل (دلَّة) ومثلك يرخص المال حبه وهيله وشرواكم يسويها سد الرباح القويعي - حايل يا مرحباً بك عدد ما هل همالي وإعداد ما هبت النود وذواريها اللغز واضح ولا يبغى له أجدالي هذيك دله وفنجال يباريها جبران بن علي جربوع القحطاني - الرياض يابن وندان لغزك بين وغالي دلة مع فناجيل تماشيها جمعان بن حشر بن قويد لغزك يا ابن هذال جاله مجالي تسوغ العمعاني بزولها وتاليها يا زين دله الرسلان صف(ن) عدالي وعيالها فناجيل(ن) بيسار ويمانيها صالح يحيى محمد الهاجري - الرياض اللغز هين وحله بسيط على يا غالي سميرة تحل الغازكم ما حدن يباريها دله السيف اللي دايم نورها يلالي معشوقه الكل ما حدن يقدر أبد يخليها سميرة سليمان العبرة - الرياض الدله اللي صلاها حامي الصالي على وقود الغضى توه مسويها تريح أعصاب الغريب وضايق البالي ليا قضيت بكرها ما عاد يثنيها مخلف سعيد الشمري - الأحساء شبيت ضوي وشبيت النجر ودلالي والحل دله من الدلال شاريها والهيل في دلتي للي على بالي ما هيب مثنية توي مسويها عبودي العجلان - البكيرية يا شبيب اسمعني وأنا خالك هي دايما عيالها تباريها عند النشاما غلاوتها ومعشوقه هذ دلة الجود معروفه بماضيها محمد الغامدي - الرياض البن والهيل مبطي للعرب غالي والدله اللي لزوم الرجل يشريها اليا تقهويت فيها ينشرح بالي والله يحفظ البلاد ومن سكن فيها اللغز حله عرفته ما به جدالي عرفت حله وانا لا شك راعيها البنت دله وورع البنت فنجالي سلم لنا حاضر الدنيا وماضيها ماجد نايف العصيمي - الحوية اللغز حله عرفته يا بن هذالي تلقا السنافي على جمره يصاليها دله وكيف النشاما وسط فنجالي كيف العرب حاضر الدنيا وماضيها غنام صالح فريد الحربي - بريدة اهلاً هلا بك عد ما دار فنجالي حاضر يحاضر يجيك الحل طوالي دله وفنجال وريح الهيل كاسيها عامر ناجي - ساجر يا مرحبا بك عدد ما هل همالي إديون راع الوفا واجب نوفيها الدله اللي عرف تقديرها إرجالي يودها اللي سلوم الطيب حاميها فهد بن عقيل الطويان - بريدة يوم قريت اللغز حله طرالي بعض الألغاز صعبة معانيها يا شبيب هي دلة من الدلالي عيالها الفناجيل صب البن فيها صالح إبراهيم السنيدي - الوشم وتوصل للحل نثراً: ربيع بن سالم العبدلي - الرياض. لغز الأسبوع كتبه للصفحة: الشاعر تركي بن عبدالله السبيعي من الرياض ويقول: لغزي لقيته داخل السوق مجلوب كل البشر يملك سميّه بيمناه اللغز غالي بين طالب ومطلوب وسميّه المملوك ما يوم بعناه نستقبل الحلول على الفاكس 4871070 أو الإيميل [email protected]. كما نرحب بطرح الألغاز الجيدة.
