الا يا منتهي كيف الرجال اللي تمدينه بينماك اصبح يغار اشقر البن من حلو يمناك ابو عيالك بعد جهده لياقمتي تقهوينه تجي دلتك من فوح الحنين اشواقها تهواك تراث اجداد في صفحة خزامى اليوم تحيينه وتهدينه على صفح الزمان الزين بمحياك خالد بن سجدي العتيبي - الرياض مبسوط مبسوط واظن كيفه طاب دلته فالظل يشربها متحري لوصلت الاشناب اللي تفتل شواربها يافي ولو بارو الاصحاب دنياه قاسا تقلبها غنام مسعود القريني - نعام مويضي تحوفه الصورة اللي بالخزامى نشوفه رجال جالس والعرب ساقو الكيف مع دلة صفراء مويضي تحوفه بهارها هيلن مصفى مع الليف في مجلس العربان اهل المروفة اهل البوادي ما سكنو داخل الريف عبدالرحمن بن ابراهيم الخزيم - حفر الباطن ناعم العود ياما حلا الفنجان مع ناعم العود في ساعة عنا هل العذل لاهين شربت انا دلة ودلة بعد زود انا رويت ومنه ما رويت العين اقولها وعندي براهين وشهود على الخزامى طالعه قبل يومين سعود سعد الحافي - الرياض الغندور ضيوف الخزامى عليهم نور سناه مثل راس تنوره والبيت ترى ماهوب السور منقوش بأزياء وزهوره ودلال صفر مع الغندور واحوال الاجداد مستوره شجعان سعود المقاطي - الرياض يالغضية يالغضية صبي فنجال جديد شاقني جيبك لها في حلها يوم جيت بمجلك بالي بعيد واشرب من الاوله واعلها يطرب الفنجال نشاد القصيد وانطرب في مسكته من زلها جمال الرجيعي سلوم العرب يا لابس الحمر ومبرقع عيونه ويصب من الدلة الصفرا بفنجالي والزوج جنبه يبي يشرب على هونه ويوسع الصدر ويسولف مع الغالي وبنت البدو درة في البيت مكنونة وهذي سلوم العرب يا طيب الفالي عبدالعزيز الصالح - القصب واحد غالي اقول الجو يازينه وحولك واحد غالي الا يازينها من جلسة في وقت وسمية يزين الكيف من يمنى الحبيب وتسعد الحالي الى صارت تديره يا جماعة خير نشميه بوسط مثولث والذود روحات مع اقبالي الا ما حلا القصايد والقصص وابيات شعرية محمد بن عبدالعزيز الخنيفر - أشيقر تصب الكيف يابنت البادية يالي على المركا تصب الكيف تسوقه لزوجها الي جالس يا ناس بجانبها اصيلة ما تخلت عن فعلها في شتاء او صيف تفاخر في فعلها كل من وده يعذربها تشوقك في فعايلها اذا منه لفاها الضيف وصبورة للشقى تصبر ونضرب المثل إبها خالد بن ناصر المخيمر - روضة سدير طبع العرب يازين طبع العرب زيناه بتبدل البشت بجلالي والعود قاعد على مركاه وتصب للعود فنجالي تستاهل المد من مخباه غالي ويمد له غالي شبيب حمود جلهم القحطاني ربة البيت صبي عفاك الله ياربة البيت صبي لنا فنجال منداش راسي انا اذا زل الضحى ما تقهويت ازعل لاوني بين ربعي وناسي ونكان شفت البن الاشقر تشاليت حيث ان فنجاله يجلي عماسي سلطان بن حمد الحبابي
