عواكيس

* عزيزي معوكس: يقولون إنك فلكي ومتخصص في الطقس وفصول السنة ظنك البرد ودع والا انا في بياع الخبل عباته؟
محمد السالم - الرياض
- شكلها بياع الخبل فروته وكل الخلاقين اللي مانشوفها الا في البرد!
* هلا معوكس ياخي وش ذا الغيبة صرت كنك الدوري كل شوي توقف حن علينا ولاعاد تعودها زود انا مشتاقين أنت ماتدري عن شعبيتك اللي تضغط بعض الناس وودي اسالك ليه الحكام اللي اجتمعوا برئيس إتحاد الكره كلهم ميولهم مثل بعض؟
أحمد الحمد-بريدة
- بلا كلهم ميولهم وحده وتوجههم واحد!
* صاحب المليون رسالة ابوالعواكيس ممكن تعليقك الساخر على قضية المدافع سعيد المولد واللي محيرني ما احدن خلاه يوقع هو وقع برغبته وآخرتها يقول يالاهلي يالاعتزال؟
على الشهري - جدة
- وانت امصدق انه يبي يعتزل ويخلي الملايين ويخرب مستقبله علشان عناد ماله داعي!
* الغالي معوكس بعد وعود إداراة الهلال وتبريرات مدرب الفريق ريجي تتوقع يتغير شي في المستوى ويرجع لنا الزعيم ونشوف الكوره الحلوة؟
نواف الصيخان - حي الفلاح
- ماحولك كوره حلوه ولا فيه امل تشوفها!
*قاهرهم وحابس دمهم ابوالعواكيس أنا ودي ذا المدافع متى يعقل ويترك عنه الحركات اللي تشوه صورته انت ماشفته في آخر مباراة لفريقه وش سوى نرفزة وخشونة وبعدين أنا ودي أسال لجنة الانضباط وينها عنه؟
عبدالعزيز السعد-حي الازدهار
- اما الانضباط انتبه لنفسك لايعطونك لفت نظر مثل الإداري!
*الاملح والاجمل خفيف الدم عكوسي الى متى وانت جبان وخواف من المدام بدليل انك ماتقدر على زواج المسيار رغم العروض اللي عندك يحق لك وسيم ومشهور وكل وحده تتمنى لوتصور معك سيلفي؟
سطام العتيبي-الرياض
- ابدا المسيار مخلينه لك يالحبيب شد حيلك ياعنتر بن شداد!
*مرحبا سيد معوكس وين الغيبات طولت علينا كثير تعالا ..تعالا ياعكوس ..أشتقنا لك ياعكوس وبودي أن أسالك بحكم خبرتك من الاقرب لتحقيق بطولة الدوري؟
علي الصالح-القصيم
- الاكثر بلنتيات!
*عزيزي معوكس بما انك خبير رياضي ماهي نصيحتك للاسطورة محمد نور بعد الاحداث الاخيرة بينه وبين مدرب الاتحاد بيتروكا اللي ابعده وحوله للانفرادي؟
عاشق العميد-سلطان-جده
- ابونوران ماله الا ينفرد للاولمبي ويشيلها وداعيه يا احلى ليله تجمعنا!
*عزيزي معوكس انت شفت الحكم فهد المرداسي في مباراة الاهلي وهجر كيف طنش بلنتي مصلع لمهند عسيري هذا وهو توه جاي من بطولة امم آسيا يعني الحكم السعودي مايتطور حتى وهو جاي من استراليا؟
مطلق العبدالله-الرياض
- لو انه جاي من سطح القمر مافيه حيله!
*صاحب الشعبية الجارفة الناقد المميز معوكس ماتشوف أن محترف الشباب ناوي يخربها من بدري توه جاي وغياب ودلع؟
الشبابي عبودي-الرياض
-شكلها ماورته اليورو والدولار اللي يخليه ينوم في النادي ويدق صداقه مع فوال القلابة اللي جنبهم!
*الحبيب معوكس لي مدة طويلة وانا احاول اتواصل معك وماقدرت على الله ذا المرة اشوف رسالتي وبعدين ودي اعرف اسرع عن طريق الفاكس ولا الايميل ولا الفيس بوك ولا التويتر؟
نواف المطيري-حي السلام
-حاليا عن طريق الاستغرام اللي كله عروض حلا والناس ذابحها السكري!
*عزيزي معوكس تتوقع رائد التحدي يظهر بثوب جديد بعد التعديلات اللي سواها في الفتره الشتوية ولا الشق اكبر من الراقع؟
ثامر الخضير-بريدة
- ثوب جديد ماله الا الدفة ولا ثوب العيسى للبيسة!