عواكيس

* عزيزي معوكس تحية طيبه وبعد: بودي أن أسألك وش السر في تألق الحارس الشبابي وليد عبدالله بصراحه عيني عليه باردة نجم ولا كل النجوم وفعلا إذا قالوا الحارس نصف الفريق؟
الشبابي عبودي-الرياض
- والله اللي أعرفه أن أخويانه وخاصة ابوالجوهرة يدعمونه مع الشورت حق بوفون!
* قاهرهم وحابس دمهم ابوالعواكيس ياخي وش ذا الشخصية الضعيفه لمدرب الهلال الروماني ريجي اللي سالم الدوسري وعزيز يتلاعبون باعصابنا ومستواهم في انحدار ومع ذلك ضامنينها مع الفريق وين مبدأ الثواب والعقاب؟
بندر العصاي - عنيزه
- ووين الإدارة ما بين السياحة وصكات البلوت!
* الحبيب ابوالعواكيس تحية محبة وتقدير وبعد: ماعندك خبر عن الحارس مبروك زايد وين الدنيا به مره اختفى عسى المانع خير تتوقع لو ترك العميد وين وجهته في فترة التسجيل الشتوية؟
علي المبروك - جدة
- وين ظنك .. يعني برشلونة حده منتخب سدير!
* صاحب المليون رسالة ابوالعواكيس تحية طيبة وبعد: ياخوي وش ذا البرد اللي يكسر العظام ظنك من الرابح هالايام؟
محمد العيد- الخرج
- اللي يبيعون الفرا والخلاقين الثقيلة!
* عزيزي معوكس تحية لك من الساحل الغربي وبعد: ماعندك حل لنجمنا الشاب فهد المولد مهارة وموهبة وسرعة لكن مشكلته ما يركز راسه في الارض والا منه انطلق مايرده الا الكورنيش؟
عاشق العميد - ابولما - جدة
- الكورنيش قريب الا ما عنه وعن طلعة كرا!
* الغالي خفيف الدم عكوسي أشوف اتحاد الكره طنش بعض الملاقيف اللي اعترضوا على تدريب الروماني كوزمين للمنتخب ياهي فشيلة مابعدها فشيلة يعني بزعمهم غيورين ولاحريصين على المنتخب؟
نواف الراشد-الرياض
- لاغيورين ولاحريصين يمكن الماضي لاعب لعبته في روسهم!
* عزيزي معوكس تحية طيبه وبعد: ما تلاحظ إن بعض التصاريح أكل عليها الدهر وشرب وماعاد تنفع في زمن الاحتراف والإعلام الجديد ولم يعد ينفع لا رجل خفي ولا رجل ظاهر وياليت تختفي؟
عبدالعزيز السعد-حي الازدهار
- الحكي وش عندك في الميدان ياحميدان؟!
* الاجمل والأملح معوكس تحية طيبة وبعد: تتوقع تصدق إدارة الشباب وماينتقل المهاجم نايف هزازي لفريق ثاني في الفتره الشتوية المقبلة ولا النفي هدفه امتصاص غضب جماهير الليث؟
بدر العلي- المجمعة
- ياخوفي ينشوف في آخر المسلسل بنسجل ونسجل!
* عزيزي معوكس تحية طيبه وبعد: أشوف اللاعب المعتزل المطرود بعد حشر نفسه والرجال معترض بعد على التعاقد مع كوزمين مدربا للمنتخب هذا وش حله ياترى؟
محسن السالم - القصيم
- ماحدن درى عنه هو واعتراضه متنبي زمانه!
* الغالي معوكس تحية طيبه وبعد: على اللي حاصل في الهلال ماتشوف يابوالعواكيس إن إداراة الكره مالها اي دور ولا لك راي آخر؟
معتز الراشد-الدمام
- لادور ولا حتى دبلكس!
* أستاذ النقد الساخر معوكس تحية طيبة وبعد: الى متى ونحن عشاق الرياض مدرسة الوسطى ننتظر صعود الفريق لدوري عبداللطيف جميل والله حرام كل سنه نقول نبي نصعد والنهاية نبقى في دوري الغبار والجموس؟
عاشق المدرسة - أبوناصر
- وتبقون في دوري الكنكان بعد!
* هلا معوكس ممكن ترسل لي السيرة الذاتية لحضرتك عندي لك وظيفة يحبها قلبك محترمة راتب وبدلات وسيارة وإن بغيت بعد طيارة أهم شي وافق؟
زياد الريس - الرياض
- السيرة ذا الصورة والقلامة اللي في الجيب قدامك وغيره ماعندي الالغة برتغالية!
* عزيزي معوكس تحيه طيبة: فيه مدرب وطني سوى مداخله في برنامج رياضي واعترض على التعاقد مع كوزمين وقال إن جيبته كنها شحاذة وش تقول يامعوكس؟
ابوفرح - حي المروج
- أقول كلن يناظر الناس بعين طبعه يبيهم يتعاقدون معه مورينهو!