عواكيس

* زعيم الفن الساخر ابوالعواكيس
تحية طيبة وبعد:
أشوف الهلال طالب حكام أجانب لمباراته مع الاهلي واللجنة أعلنت أن حكم المباراة هو عبدالرحمن العمري وش الحل؟
أحمد الحمد - بريده
- الحل يوسطون الجيران واصلين وأمرهم أمر!
* عزيزي معوكس
تحية طيبة وبعد:
معقوله المدرب الوطني القدير خالد القروني كبش فداء يعني الإدارة ماتشوف أخطاءها وأخطاء اللاعبين ولا ويش اللي صاير؟
سلطان الصالح - جدة
- ياما قبله كبوش راحوا على الاقل هو ضامنها في الاولمبي ولا لبن!
* الغالي معوكس أقول ماشاء الله وانت قل معي على نايف هزازي من يوم خصموا من راتبه وهو مدهر ماكينة أهداف الله لايضره ظنك القرار حفزه ولا وش السالفه يابو العواكيس؟
الشبابي -عبودي-الرياض
- حفزه يرجع الخصمية أنت فاكرها شويه ولا من راتب واحد على بند الاجور فئة «ا»!
* صاحب المليون رساله ابوالعواكيس
تحياتي واشواقي لك وبعد:
أشوف اللي أزعجونا الموسم الماضي بطلب ضم حارس فريقهم سكتوا ولاعاد يهمهم والعجيب أنه ماتمرن ولاتمرين مرة قالوا مصاب والثانيه تأخر عن المعسكر ياترى وش السر في سكوتهم وغياب مهايطهم
بندر العصاد
- عنيزة
- لوبيز ماعنده سر طقها في الوجه وقال الحقيقة!
* المبدع خفيف الظل معوكس
تحية وبعد:
لعلمي إنك تفهم فنيا وتعرف تقيم مستويات المحترفين الأجانب وش رايك بمحترف الهلال الروماني بينتلي
عاشقة الموج الازرق-القصيم
- اما بينتلي كثروا منها!
* قاهرهم وحابس دمهم معوكس برأيك تحمل جماهير العميد السبب في خروج الفريق من الآسيوية بعد منعهم من حضور مباراة العين بسبب مخالفاتهم لانظمة الاتحاد الآسيوي
عبدالعزيز السعد - حي الازدهار
- هذا الآسيوي مايلعب أنت فاكره لجنة الانضباط !
* عزيزي معوكس
تحية وبعد:
شكلي أيست من الحزم وآخرتها خسارته من الوحدة واقول يالله السلامة والبقاء في دوري ركاء ووينكم ياعضاء الشرف ولامشغولين
محمد الحربي-الرس
- مشغولين بالاصل!
* صاحب القفشات الرائعة ابوالعواكيس ودي أسالك وتجاوبني بصراحه لك في الشعر الشعبي وهل سبق غنى لك فنانين ومتى أقرب أمسية شعرية ناوي تقدمها ومكانها لوسمحت شكلى طولت عليك..
نواف الصيخان-حي الفلاح
- شوية طولت مابقى الا تقول كم الميلاد والعمل والحالة الاجتماعية!
* عزيزي معوكس
تحية طيبة من القلب وبعد:
ماتشوف حل لفريقنا الاهلي قلعة الكؤوس حيرنا حبه فوق حبه تحت أسعدنا في البداية وبعدين زعلنا قدام نجران والله أعلم وش بيسوي قدام الهلال
سامي عقيل - جدة
- وش بيسوي ..بكرة بتشوفه كنه منتخب المانيا!
* الأشهر والأملح عكوسي تكفى قل لي بصراحتك المعهودة ليه اتحاد الكرة زاد طواقم الحكام الأجانب ورضخ لفريق والعام يوم كل الفرق طالبت باذن طينه واذن عجينه
مشعل محمد-الخبر
- يمكن العجينة راحت وسووا منها سمبوسة ولقيمات في رمضان الله يشرفه!
*عزيزي معوكس
تحية وبعد:
يقول أحد المشجعين المغردين أن سبب تدني شعبية فريقه هذا الموسم سفرهم في الإجازة وانا أقول نقص تموين الفلافل وانت وش تقول يابطل؟
فهد المطيري-الرياض
- أقول هذا اللي مزعل بلاتر وخلاه يعمم مايبدأ الموسم الا بعد التأكد من عودتهم بالسلامة!
* الموهوب ابوالعواكيس
تحية طيبة وبعد:
ماتشوف ياسر القحطاني بعيد عن مستواه ويحتاج يراجع حساباته وش تنصحه فيه ياصديقي
ابراهيم الكعبي- الرياض
- ابويعقوب الثنيان قام بالواجب !
*الاستاذ الكبير معوكس
تحية طيبة وبعد:
وش أخبار القناة الرياضية بعدما طار النقل للدوري لاحس ولاخبر ولانية في التطوير وش نصحيتك
بدر الدوسري - الرياض
- نصيحتي لوسمعوها ماصار اللي صار!
*عزيزي معوكس
تحية طيبة وبعد:
ودي أسالك تهوى الصيد والفروسية والسباحة
حمد الدوسري - العزيزية
- أهوى صيد الضبان والتمشيه في سوق الحمام!
* الاخ العزيز معوكس:
وش رايك في سرعة استجابة اتحاد الكرة لبيان نادي النصر بزيادة عدد الحكام الاجانب ! ؟
صديقك معاذ الحميد - مرات
- تذكرني بسرعة الكونكورد!
* الأمثل والأجمل والأكمل معوكس:
ما رأيك في خبر إقالة القروني وليه ماصار له صدى مثل اقالة الجابر؟
طلال الدوسري- الافلاج
- صار له صدى الملاعب وبدكم تربحوا الحلم!
* عزيزي معوكس وش تتوقع ردة فعل بعض الناس بعد تصريحات لوبيز عن الحارس
شادي العلي - ينبع
- اكيد بيان يطالب بطاقم تدريب زي سالفة الحكام الاجانب!