عواكيس

* الحبيب ابو العواكيس وش رايك اعزمك فى الصمان ونتفرج على مباريات دورى جميل بس خذ معك جوالك علشان تتصل وتقول رايك احسن من المدرج وصجة الملعب تكفى لاتنسى الجوال عشان تلقط صور مهوب للفقع للكورة وترسلها للجريدة وتقول من الصمان؟
اخوك صماني
-عشان أقول معوكس طش أم طش الصمان!
* العزيز معوكس: السؤال بصراحة هو هل أخطاء التحكيم كوارثية أم لا؟
سفير الحلة - الخبراء
- كوارثية تجيب صدارة وبطولة!
* الأخ معكوس اشوف كثر هذي الايام التعصب من جماهير الاندية وصل بهم الحد الاعتداء على رئيس النادي مثل ماحدث من جماهير الاتحاد ضد الفايز في نظرك، ماهي الاسباب وماهو العلاج لهذا التصرف.. هل جمهورنا ينقصه الوعي؟
متعب الشمري
- والوعي من وين يجي واللي في البرامج يبي لهم وعي!
* الاستاذ معوكس اقترح عليك تعييني مساعداً لك واجيب بالنيابة عنك وانت اجلس في بيتك واستلم المرتب في آخر الشهر بعيداً عن تفتيش رسائل القراء ووجع الراس؟
راشد الدوسري الخبر
- ذكرتني بالعرض المماثل من العضو لرئيس اللجنة!
* الحبيب معوكس ماتشوف ان اللي كانوا يطالبون بالمهنية وانصاف الجميع ركزوا في عملهم الاعلامي على فريقهم بعدما انتعشوا بعض الشيء.. وش نصيحتك لهم؟
عبدالله احمد - جدة
- وش أنصح وش أخلي ماحولي أحد!
* الناقد الساخر معوكس وش اللي حل بالحكم الدولي مرعي عواجي في مبارة النصر والشباب؟
سعد الحميد - الرياض
- يوم زار هزازي قالوا له عساك بحل وصدق!
* العزيز معكوس تدري وش المشكلة ان حب الهلال سيطر على قلوبنا وعشقه يزداد يوما بعد يوم ولن نستطيع تركه لو نزل درجة ثانية، وش العمل يا عكوسي؟
متعب الصويان
- دبر له حارس ومدافع ومحور وداعم خفي!
* قوي الحجة والملوسن ابو العواكيس وش يحتاج الهلال خلال الفتره الحالية والجاية.. عطنا وصفتك؟
بدر التميمي - الدمام
- يحتاج تحويل تغريدات التويتر الى العمل الجاد في مقر النادي!
* طيب القلب معوكس ما تحس ان البعض صار يتغزل برسائل القراء بعدما كان يستهزئ بها عندما كانت تصل الى العمالقة.. ظنك يعاني من النقص؟
عزام عبدالله - الدمام
- نقص فيتامين د!
* تحياتي يابو العواكيس لك وللأخوان عندك نحتاج دعمك عشان نصعد الى دوري جميل؟
مشجع الطائي محمد الشمري - حائل
-أنتم أصعدوا وابشر يا بعد حيي!
* الاخ معكوس المحترم من هو العاقل في نظرك في مجال الرياضة هل هو اللي يهايط او اللي يسكت ويوخذ حقه
علمني يا صديقي؟
صديقك الجديد متعب ابو صوصو
- اللي يهايط على الدكه ويرعب الحكام!
*قاهرهم وحابس دمهم ابوالعواكيس تحيه وبعد:
ليش رئيس لجنة الحكام عمر المهنا يدافع عن الحكم وهو مخطىء مثل ماسوى مع مرعي وغيره قبل وبعدين ماعنده غير عضو واحد يشرح ويتهاوش مع الحكام والاعلاميين؟
بندر العصاد - عنيزة
- يشرح ويتهاوش وناقصه عجراء!
*صاحب المليون رساله ابوالعواكيس تحية وبعد:
ليه مدرب النصر طلع حسن الراهب بين شوطي مواجهة النصر والشباب وبرايك طرد كواك صحيح ولا ظلمه مرعي؟
احمد الحمد - بريدة
-ابو علي قام بالواجب ويستاهل البيرق!
*الناقد الساخر ابو العواكيس ماهي أخبار عميد الاندية الاتحاد بعد رحيل محمد الفايز؟
عاشق العميد - سلطان - جدة
* العزيز معوكس وش رايك بمداخلات بعض الرياضيين المبعدين في البرامج .. ارى انها تفشل؟
علي الشهري - ابها
- تفشل وتفضح بس عاد وش نسوي.. الفيوز ضاربة!
-غرق في الخليج!