عواكيس

* الاخ معكوس البعض يقولون الهلال فريق عادي ولهم عشرين سنة لم يفوزوا عليه.. والله اشفق عليهم ؟
متعب صويان- الرياض
- عادي ونجومه ورقيين والميدان ياحميدان!
* اشوف البعض يحرض جماهير فريقه ويتحداهم بالحضور لمباراة القمة.. ظنك ام الركب لعبت فيه قبل مباراة الاثنين؟
عبدالله الثبيتي- الطائف
- ماهوب ام الركب بس.. الا والنفاضة!
* ما تلاحظ ان بعض شرفيي الاندية صجونا.. ما غير يهاجمون الادارات، واذا قالت لهم ادفعوا هربوا.. صراحة اشعر ان أحد يوجههم؟
يوسف العتيق- الرياض
- يوجههم بالريموت!
* الاستاذ معوكس هالحين بعض المحلليين غير السعوديين ما لقوا الا الرياضة السعودية يتكلمون عنها.. طيب رياضة بلدهم وراء ما ينتقدونها ويحاولون يعالجون مشاكلها خاصة انها محدحرة وما تنافس على اي بطولة؟
صالح ثابت- الرياض
- يارجال الدعوى تشخيص وصفصفة حكي وماعاد تفرق بين وبين!
* الاستاذ معوكس معقولة لجنة الحكام صار بعض الاعضاء اقوى منها، حتى في الاجتماعات صاروا يرفعون اصواتهم على الحضور من دون احترام، ياخي اسحبوا منهم العضوية مثل ما سحبت الشارة الدولية وريحونا؟
راشد الدوسري- الخبر
- أن أسحبوها توجهوا للتويتر وسحبوا العجراء!
* كيف رأيت استمرار ادارة الاتحاد.. الظاهر ان البعض يبي يموت من القهر يوم صادقت الجمعية العمومية على استمرارها؟
احمد عبدالله- جدة
- رأيت انهم نسوا يصادقون على الشيك الهارب!
* العزيز معكوس ما رأيك في الاليات وخدمات الدفاع المدني في عمليات انقاذ المواطنين في سيول الامطار والله يستحقون الشكر علي ما يفعلونه في انقاذا الارواح في كل مكان؟
متعب الشمري- الرياض
-انا اللي شفته عرض قوارب ودبابات بحرية في السويدي!
* ما هو معقولة يابو العواكيس عندنا اقوى دوري عربي وتروح انديتنا تعسكر في دول نراها اقل منها في كل شيء.. وين البنية التحتية وين التحسينات والمشاريع في رياضتنا؟
سعود العايد -الجوف
- التحسينات شكلها قزع!
* ياليت كل المباريات (قمة) يامعوكس عشان نستمتع من جهة.. ويضمن اللاعبين صرف الرواتب والحضور الشرفي قبل المباريات من الجهة الاخرى؟
فهد الدهمشي- تبوك
-اما الحضور الشرفي كثر منه فرصه للترزز والجيب فاضي!
*صاحب المليون رساله ابوالعواكيس تحية طيبة وبعد: تكفى ياصديقي خفيف الظل والدم ودي توصف لي حالة العزوبي اللي ناوي يكمل نصف دينه ويدور على بنت الحلال وش يذكرك..
احمد الحمد-بريدة
-يذكرني بالنادي اللي يفاوض محترف اجنبي!
*العزيز معوكس لك كامل الود: اين تتوقع نهاية ذلك الحكم المقيم عاشق الفلاشات وملابس الازارير والكبكات الذي يُنظّر في لقاءات الحكام وهو غير مؤهل للتنظير في حكام دوري حواري؟
عبدالعزيز السعد-
حي الشفاء
- نهايته الى محمية الفشل والعجراء!
* قاهرهم وحابس دمهم ابوالعواكيس تحيه وبعد: برأيك كيف كان ظهور من يسمونه مؤثر هل لمست انه حريص ومشتاق للعودة ومعانقة الاضواء ام أن الامر مجرد ظهور عابر؟
نواف الصيخان
-حي الفلاح
- عابر للسيول!
*الغالي ابوالعواكيس يامدرسة الفن والنقد الساخر اللاذع بودي ان تخبرني كيف نجحت واكتسبت هذه الشعبية التي تضاهي شعبية بعض الفرق تكفى يالساحر دلني على طريق النجاح؟
بندر العصاد
-عنيزة
-حلوه .. دلني قالك قارمن !
*الاملح والاجمل عكوسي بماذا تنصح رئيس لجنة الحكام عمر المهنا لكي تتفوق اللجنة ويستمر تألق الحكام
محمد العلي-تبوك
- انصحه ينتبه للي طلع له ريش ويبي كرسي ابوعزوز!
مع تحيات معوكس وسلامتكم
للتواصل مع معوكس
بريد الكتروني sport@alriyadh.com
فاكس 4871070