عواكيس

* استغرب يامعوكس بعض الألقاب التي تطلق على بعض اللاعبين.. اشعر انها غير مهضومة كالسفاح، لماذا لايكون هناك ألقاب أرقى؟
راشد الدوسري- الخبر
- وياليت بعد برامج رياضية أرقى بدل برامج درب الزلق وخالتي قماشة!
* واضح ان واسطتك قوية والدليل اننا لم نسمع ان لجنة الانضباط اوقفوك..او غرموك؟
محمد الزهراني- الباحة
- وش دعوى شايفني كل مباراة وسط الملعب اصور مع الحكام!
* هل تعتقد يابو العواكيس ان المهنا رايح يصمد امام الهجوم ضده.. بحكم خبرتك ماهو الهدف ومن المستفيد لو راح المهنا؟
عبدالله التميمي- الرياض
- ابوعزوز قدها والعجراء تبي تكسر على راس راعيها !
* الخطير معوكس لماذا لانراك تشيد بالمدرب الوطني.. لا يكون تغار منه؟
حمد الناصر- حفر الباطن
- الله يا بعض الناس اللي ذبحتهم الغيرة من السير سامي!
* الحبيب معوكس ماذا تتوقع للمنتخب امام العراق في بطولة اسيا.. ظنك نسمع كلمة ماقصرتوا على الطبيعة؟
حمودالخمشي- تبوك
- على الطبيعة وابو طبيع مايغير طبعه!
* سمعنا انك مقدم على لجنة الاحتراف تبي تصير وكيلاً للاعبين.. كيف تسمح لك نفسك وانت يقولون ما ترطن انقليزي؟
ناصر اليوسف- ابها
- الله وأكبر ياذا الوكلاء البلابل نصهم ماعندهم الاييس ونو!
* ما احط في ذمتي شيء.. بس واحد يقول انك دائم قريب من بعض البرامج وانك تنتظرهم يستضيفونك.. الا تكفيك هذه الزاوية التي قلت عنها سابقاً ان شعبيتها اكثر من شعبية بعض الاندية؟
نواف الصيخان-حي الفلاح
- البرامج شف المقدمين والضيوف و......!
* لو كنت رئيس لجنة الحكام في آسيا يامعوكس من الحكم السعودي اللي ترشحه لنهائي بطولة الاندية؟
سعود القحطاني- خميس مشيط
- اللي ماعنده عجراء!
* العزيز معوكس ليش هاجموا احد الحكام يوم غرد وسكتوا عن اللي يهاجم الناس (عيني عينك)؟
سعد القحطاني- جدة
- يامالك من ليش وليش واللي هاجم على قولهم ما يهذرى المهذري الا من زود السخونة!
* صاحب الابتسامة العريضة والاقلام الكثيرة معوكس.. من المستفيد من التقليل من حضور الحكم الاجنبي في الملاعب السعودية؟
بندر الشمري - الدمام
- اللي يطبطب ويمون!
* وش توقعاتك يامعوكس ظنك يعود القادسية للأضواء والا يبقى في دوري الاولى؟
عبدالله العتيبي- الدمام
- حسب بورصة بيع عقود اللاعبين والقدر والملاس!
* صاحب المليون رسالة العالمي ابوالعواكيس أنا ناوي ارفع شكوى ضدك شهرت فيني واهنتني ادري انا الغلطان ميه في الميه لكن على قول المثل ضربني وبكى سبقني واشتكى ودي أشتهر؟
عزوز الشاني-حفر الباطن
- عز الله تبي تشتهر وتدخل التاريخ انت واللي ينشر خبر شكواك!
* قاهرهم وحابس دمهم معوكس
تحيه طيبه وبعد:
ياخوي وش ذا المهبل اللي مايعجبهم العجب القريني يقسم بالله ان عدم ضم العنزي قرار فني وزكي الصالح نفس الشي وش السوات معهم شكل مافيهم حيلة؟
بندر العصاد-عنيزه
- انت عمرك شفت مهبل فيهم حيلة.. الله يشفيهم!
* الاشهر والاملح عكوسي
تحيه وبعد:
ودي أسألك وابغاك تجاوبني بصراحة وين اللي أزعجونا اسبوع كامل خذ يابرامج عن الهتافات ليه سكتوا عن تصريح المحامي عمر الخولي اللي كشف المستور واللي ينهى عن خلق وهو أتى أعظم منه؟
أحمد الحمد- بريدة
- كلهم في أجازة آلين يمشي سالم بالعكازات!
* الحبيب الغالي معوكس
تحيه طيبه وبعد:
متى يتطور الطرح في البرامج الرياضية الحوارية ونشوف نقل تلفزيوني صح ونرتاح من عبث المشجعين
عبدالعزيز السعد - حي الشفاء
- شكل الدعوى مطولة قفل الشاشة وريح عمرك!