عواكيس

* الأخ معكوس من توقع يحقق بطولة الدوري وهل فريق الفتح له نصيب من التوقع؟
متعب صويان الشمري
- يكفي انه برد كبود المحبطين لو بعض الوقت!
* الاستاذ معوكس كيف رأيت انتخابات اتحاد الكرة وما الذي تنتظره من الرئيس الجديد؟
بدر الشهري - النماص
- كشفت المزيد من التعصب والمتعصبين!
* الحبيب ابو العواكيس وش اكثر ما يزعجك في الوسط الرياضي ومن برأيك يستحق ان يقال له غادر غير مأسوف عليك؟
يوسف المطيري- حفر الباطن
- مدير التطوير اللي تحول مدير حملة!
* نتشرف يامعوكس ان نقدم لك العضوية الشرفية لنادي الوحدة فنحن نتطلع الى دعمك المادي الكبير بعدما سمعنا انك من فئة «الهوامير» والله يزيدك من نعمته؟
محمد خبراني- مكة المكرمة
- من وين ياحسرة كلها عشرة أسهم في الخشاش ونزلت نسبة الين مابقي منها حق خبز صامولي!
* متى شعرت يامعوكس ان الاعلام والوسط الرياضي (صب قهوة).. وهل هناك نية لديك بتقديم برامج رياضية بعد تجربتك مع الاعلام المكتوبة؟
احمد عسيري- ابها
- من وين شفت ذا المنظرين المستكاوي وبنيس على غفله وآخرتها طرد ولايردهم الا قهاوي المعسل!
* ماذا لو كنت مقيّم للحكام يامعوكس وش اول شيء تسويه عشان تساعد على تطوير الحكم؟
- خالد الشريهي- الرياض
-اول شي اكش بعض المقيمين اللي ناقصهم عجراء!
* نريد ان تعطينا رأيك بكل شفافية يامعوكس ان مداخلة خليل جلال الاذاعية وحديثه عن بعض العناوين التي يرى ان مافيها شيء وانها بهدف الاثارة؟
عبدالله الغامدي - الباحة
- لقافة وترزز يعني شوفوني كولينا!
* الحبيب معوكس ما تلاحظ ان بعض اللاعبين ما تكشف عليهم لجنة المنشطات، برأيك ماهو السبب؟
راشد الدوسري - الخبر
-عاد الا المنشطات شغلهم مضبوط مئة بالمئة!
* النبيه معوكس اخي قل لبعض القنوات الرياضية ترى برامجكم مالها قيمة حولوها شعرية يمكن تضبط؟
تركي العنزي- الجوف
- خاصة أن بعض الضيوف لهم في شعر القلطة!
* العزيز معوكس وش رأيك باللي تكاثروا الصدارة على الفتح وحاولوا الاساءة لمدربه ولاعبيه وادارة وين الحياد والاخلاق الرياضية؟
سعد السالم - الاحساء
-لا والنكتة اللي حاول يبرر قال وين عاقلكم قالوا هالمربط!
* حبيب القراء معوكس ليش الدوري كنه الاسهم مرة تحت ومرة فوق واللي يفوز بالامس يخسر اليوم وش السالفة؟
سعد القحطاني- نجران
- يبي له اكتتاب جديد!
* ماذا تفهم يامعوكس عندما يقول احد المحللين( اتوقع ان يسعى الفريقين الى الفوز).. ظنك جاب جديد وهذه النوعية وش لون يفكرون ومن سمح لهم بالتحليل؟
عبدالعزيز العوفي- المدينة المنورة
- افهم انه في وادي والتحليل في وادي لبن!
*الغالي ابو العواكيس متى تشاهد اجانب الهلال متألقين وخذ ياركض وتسجيل اهداف ومن ياترى الضحية؟
نواف الصيخان- حي الفلاح
-هذا وقتهم والاداره تصدق وتعلنها بقاء حتى الخروج صفر اليدين!
*قاهرهم ابو العواكيس بودي أن أفهم بأي لغة أستطيع أن اقول أن بعض العناوين بعد مباراة الهلال والفتح مخجلة
بندر العصاي-عنيزة
- يبي لك دورة خارجية