عواكيس

*حبيبنا وقائد مركبة النقد معوكس.. لم نقرأ لك إشادة بإدارة الاتحاد التي تغلبت على الكثير من المشاكل بقيادة محمد فايز وعادل جمجوم وكانت في مستوى ثقة عشاق العميد!
محمد عبد الله- جدة
- أنا أشهد أنها المنقذ الحقيقي لأزمة «العميد» وغيرها اللي يطاردون الفلاشات خلك منهم ومن فرقة حسب الله اللي تطبل لهم!
* الأستاذ معوكس كيف رأيت الاجتماع الشهري للحكام، وعساك خرجت بفوائد تصلح الوضع الحالي؟
عبدالله التميمي- الرياض
- ناقصه عجراء في وجه البعض!
*عطنا رايك يابو العواكيس بنتائج المنتخبات السنية والمنتخب الاول ان شاءالله وضعهم مطمئن؟
صالح الدوسري- وادي الدواسر
- بالحيل مطمئن والمركز 109 الدليل!
*الحبيب معوكس ماذا يقصد المتحدث باسم إدارة الاتفاق عندما قال ان الحملة ضد التحكيم نجحت.. ما تشعر انه كشف من حيث لا يدري عن بعض الأهداف؟
راشد الدوسري- الخبر
- قصده الوعد مربع المنافسة على الهبوط!
* العزيز معوكس وش اللي جالس يسويه برودوم مع الشباب وهل تظن انه راعي طويلة مع (الليث)؟
حمود العنزي- الرياض
- يسوي مندي ومثلوثه!
* ياليتك يامعوكس ترأس لجنة الحكام وتشوف لنا حل مع الأخطاء المؤثرة؟
يوسف الحماد- الجوف
- الحل بحلحلة أصدقاء المغرد!
* الإنسان العصامي معوكس.. وش سبب اعتذار بدر المطوع عن الاحتراف في الأهلي؟
عبد الرحمن الغامدي- جدة
- يبونه ريال مدريد بدل اوزيل!
* صراحة أعجبني يامعوكس مدير القناة الرياضية يقول انه يشجع النصر وانه لا يعجبه إلا لاعبي الهلال.. ممكن تفسر لنا هذه المعادلة!
سعد القحطاني- ابها
- أقول عطوه فرصة والله يوفقه بس ليته يطيعني ويقرأ تغريدات ومقالات بعض ضيوف برامج القناة ويقيم اذا يبي ينجح!
* نرجو ان نظرتك تغيرت عن دوري الاولى بعدما كنت تنعته بدوري (الجموس).. هالحين رعاية ونقل تلفزيوني للمباريات.. فرصة للي يبي يشخص ويطلع؟
رائد الخالدي- عرعر
- الله أكبر يالدوري الالماني مأشوف تغير شي حتى خضير البراق!
* معقولة يامعوكس ماندري من يدير الرياضة وين عصر الاحتراف والوعود بالشفافية والتصدي للممارسات الخاطئة والا الدعوى حكي؟
محمد الراشد- الطائف
- الدعوى طبطبة وماقصرتو!
*واضح يامعوكس ان لك تصور عام عن لجان الاتحاد السعودي ونرجو ان يكون هذا التصور ايجابيا.. وبرأيك من اللجنة الأكثر تميزا؟
عبالعزيز السالم- تبوك
-مافيه غير الاحتراف اللي طلعت العين الحمراء ووقفت البربسة!
*الامبراطور معوكس صباح الخير يارفيجي علة المنتخب السعودي في اللاعبين وليس في المدربين وليس أدل على ذلك تعاقب المدربين العالميين على تدريبه ولكن المستوى واحد والسبب في اللاعبين انفسهم؟
عبدالله المطيري-ابونايف
- خاصه العالمي لوبيز عاشق الاحتياط!
*الهامور معوكس تحية وبعد: أنا من أشد المتابعين لدوري ركاء السعودي واتوقع صعود المدرسة الرياض ونادي الباطن لكن أنت من تتوقع أن يصعد لدوري جميل؟
عاشق حي المصيف.
- الاول والثاني!
* العزيز ابوالعواكيس وش قصة رائد التحدي انهيار كامل أمام الشباب وين الوعود نبي ونبي نحقق وآخرتها هزيمه ثقيله ظنك يطير المدرب؟
بندر العصاد-عنيزة
- يطير ويقفز قفزة فيلكس!
*صاحب المليون رسالة معوكس: شكلك تحب المسلسلات التركية وتتابعها خاصة اللي فيها لميس ونور ويحيا ومهند وودك تشارك معهم ويسند لك دور يناسبك؟
نواف الصيخان-حي الفلاح
-انا لقيت لي دور اسكن فيه علشان اشارك كني نور الشريف!
مع تحيات معوكس وسلامتكم
للتواصل مع معوكس
بريد الكتروني sport@alriyadh.com
فاكس4871070