عواكيس

* الاستاذ معوكس احترنا مع اللجان بعض قراراتها تتخذ بسرعة البرق وبعض الشكاوي تنام عليها.. برايك من هو المسؤول ولمصلحة من؟
خالد الوسيدي- بريدة
-لمصلحة الناخب!
* الخطير شيخ الكتاب معوكس وش فيك تكتب اسبوع وتتوقف عدة اسابيع؟ شكلك خايف من قرارات لجنة الانضباط؟
بدر الروقي- الطائف
- عاد ماخفت إلا يوم استقال الريس بناء على طلب الغالين!
* الاستاذ ابو العواكيس نتشرف ان نقدم لك العضوية الشرفية لنادي الهلال فنحن نتطلع الى دعمك المادي الكبير بعدما سمعنا انك من فئة «الهوامير» والله يزيدك من نعمته؟
متعب صويان
- هوامير طل كل التحويشة راحت في الاسهم!
* الصديق معوكس ابي افهم دور بعض الناس ودور احمد عيد في الرياضه السعودية وهي منظومة واحدة كل واحد يرمي التهم على الثاني واللجان ضائعة
معاذالحميد - مرات
- دورهم الضغط على الريموت!
* الاسطورة معوكس في تصوري الشخصي ان دوري ركاء اقوى من دوري زين والدليل ان هناك ستة فرق تتنافس على الصعود بينما الدوري الممتاز محصور بين الفتح والهلال ويكاد الأخير ان يكون الفريق الوحيد الذي ينشد مهر "زين" منذ اكثر من اربعة عقود؟
عبدالله المطيري - الكويت
- وغيره ينشد عبر الزمن!
* الامبراطور ابو العواكيس ماهي اسباب تدهور نادي الاتحاد وهل صحيح ان الهلال هو صاحب اكبر قاعدة جماهيرية في السعودية؟
ابو نايف- حي المصيف
-لا صاحب عبدالله!
* رأيك يا معوكس في صفقة انتقال مهند عسيري الى الشباب وهل تراه مفيداً للهجوم خاصة العلاقة بين الشباب وناصر الشمراني متوترة والغيرة لها دور؟
متعب الشمري
- لها دور ودبلكس!
* استاذ النقاد معوكس كيف رأيت مستوى التحكيم في لقاء هجر والنصر وماذا فهمت من تصريحات مدرب هجر؟
راشد الدوسري - الخبر
- مدرب هجر اقوله فهمتك والله يعينك على المطرسة!
* والله وطلعت موضة جديدة يامعوكس صارت بعض الاندية تعلن القرارات قبل اللجان؟
عبدالله الفهيد- تبوك
- تمون!
*الناقد العملاق معوكس وش هالانقلاب ضد "اتحاد احمد عيد"؟ الجماعة كانوا يدافعون عنه سرعان ماغيروا الموجة؟
صالح التميمي- الرياض
-الموجه مبرمجة على "الرابع"!
*قاهرهم وحابس دمهم معوكس ليه الاغاني والاشعار دائم في الهلال ظنك انتصاراته وانجازاته هي السبب وبعدين ليه غيره ماصار مثله يابوالعواكيس
نواف الصيخان-حي الفلاح
- ماتبي لها ذكاء بلا غيره يحتج يبي "الرابع"!
*الرائع الناقد الساخر معوكس وش برايك ينقص "رائد التحدي" ويتصدر دوري زين تكفى ماعندك خلطة سحرية للفريق
احمد الحمد-بريدة-حي الجامعيين
- تصفية النوايا!
*الحبيب ابو العواكيس وش تقترح على بعض الحكام اللي يحللون في التويتر صورة مناسبة تعرفه بالجمهور؟
بندر العصاد-عنيزه
-عجراء موديل 2013
*ابوالعواكيس والله ياضحكت وفطست من الضحك على بعض الفرق اللي يوم خذوا بطولة اولمبية كان عدد بطولاتهم 29 وقلبوها 47
موضي الهلالية-بريدة
-شكلها في الاسهم ونسبت في اسبوع واحد!
*صاحب المليون رسالة ابوالعواكيس ودي أفهم وشلون بادغيش صرح بقبول احتجاج النصر على نجران بينما لجنة الانضباط المعنيه بالأمر رفضته؟
حمد الدوسري-ابومبارك-العزيزية
- شكله صرح بأمنية ماتحققت!
*الغالي معوكس يقول أحدهم أن كل رؤساء لجان اتحاد الكره ميولهم وحده شكله مادرى عن ميول رئيس المسابقات وغيره.. وغيره؟
عبدالله المسلم- الاحساء
-لا يدري ويستهبل وفيوزه ضاربة!
مع تحيات معوكس وسلامتكم
للتواصل sport@alriyadh.com
فاكس4871070