عواكيس

* حبيب القراء معوكس ماذا لو أتيحت لك الفرصة هل ستتدخل بقرارات الاتحاد السعودي وماهو أول قرار ستتخذه؟
عواد العطوي- تبوك
-ماأقدر ماشاركت في الانتخابات ولا رشحت الريس!
* الأستاذ ابوالعواكيس ياليت تقدم في أسرع وقت نصيحة للوسط الرياضي حتى يخرج من دائرة الشحناء والبغضاء؟
راشد الدوسري – الخبر
-يبعد عن برامج درب الزلق الفضائية!
*صاحب الشعبية الطاغية معوكس وش يقصد نائب رئيس الحكام ابراهيم العمر عندما قال: ان الحقران يقطع المصران ومن يقصد عندما قال ان هناك من يعاني من حالة نفسية؟
بدر العابد – الدمام
-ماغيره مخاوي العجراء!
* وش ذا النشبة يامعوكس يقولون اللاعب اليوناني اصاب حسن الراهب في التدريبات، وان حسن طلب فسخ عقده وش اللي صاير؟
-أسأل الشلهوب ونواف العابد!
عبدالله السالم- الاحساء
*الكاتب الرشيق معوكس ماهو تعليقك على سرقة الألقاب المستحقة لبعض الأندية وماهو الحل حتى تكون الحقوق محفوظة للجميع؟
حمود الرشيدي- المدينة المنورة
- الدعوى حراج وقال من أمرك قال من نهاني!
* معقولة يامعوكس ان مرتبات بعض أعضاء الجهاز الإداري في المنتخبات عالية جدا وهم الذين كانوا ينتقدون في ماضى المبالغة في الصرف في عهد إدارة المسحل.. وش اللي تغير طال عمرك؟
صالح الدهمشي- عرعر
-اللي تغير ورقة الانتخاب!
* حبيب الكل معوكس كيف يزور احمد عيد نادي الجبلين ويتجاهل الطائي، وهل في ذلك انصاف؟
خالد اليوسف- الجوف
-يكثر الكيف عند ابوعيد وكيف يضغط فريق في الجدول وكيف الحال!
* وش اللي صار يامعوكس.. يقولون ان الأجواء متوترة بين حسني والنصر، لايكون دعوة المشجع إصابته؟
مناحي العتيبي- الطائف
-متوترة وكنها أجواء الرياض هاليومين!
* ياليت لو تمسك يامعوكس لجنة الانضباط عشان نعرف انت عند كلمتك والا مغير تهايط علينا وعلى الناس؟
سعد القحطاني- ابها
-مسكنيها يوم وتشوف والله يابلاتر أن يناديني عنده نايب!
* تظن يامعوكس أن في الرياضة لوبي كبير ولوبي صغير ومن أوجدهما إذا كانت الإجابة نعم؟
رائد الشمري- حائل
-ومديم وبق لارج!
*صاحب المليون رسالة ابوالعواكيس
بعد التحية والتقدير:
وش قصة ضغط مباريات الهلال من قبل اتحاد الكرة ظنك مقصودة
عبدالرحمن الشمري-حائل
-مطبوخة يابعد حي!
*قاهرهم وحابس دمهم معوكس أنا عازمك في مطعم شعبي يحبه قلبك فول قلابة وفلافل ومطبق تكفى أقبل الدعوة
بندر العصاد-عنيزة
-شكلك نسيت السمبوسة بالكراث!
*هلا معوكس أقولك شي وماتزعل شكلك ماعاد تجمع يعني أفهمها وتقاعد سلم "الراية" للي بعدك وأعتزل
موضي الهلالية-بريدة
-الا "الراية"عاد صعبة قوية!
*الاملح والاجمل معوكس
تحية وبعد:
شكلي ثقلت عليك لكن أنا محتار مليت من سوق الحمام ماغير رايح جاي أنا وخويي أبو عبيد والنتيجة يالله طبق بيض في شهر بالعربي ابي وظيفة وماعندي شهادة
حمد الدوسري-ابومبارك-العزيزية
-مالك الابنشري على بند الاجور وتخب عليك!
*الحبيب ابو العواكيس
تحية وبعد:
تتوقع رائد التحدي ياصل مربع الابطال يعني يسويها ويفاجئنا بانجاز يودع فيه ريسنا ابوبندر قبل مايستقيل
احمد المحمد-بريدة-حي الجامعيين
-ماظنيته ولا مربع الخبيب!
*عزيزي معوكس الناقد الساخر الكبير بودي أن أسألك وش أسباب تسمم محور الهلال الشاب محمد القرني
نواف الصيخان-حي الفلاح
-أتوقعها كبدة منتهي صلاحيتها في العريجاء!
*الغالي عكوسي
تحية وبعد:
من تتوقع يظفر بتوقيع نجم الوسط الشاب شايع شراحيلي خاصة أن ثلاث أندية تتنافس على توقيعه
عبدالاله المنصور-الرياض
-وانت الصادق أربعة نسيت برشلونة!
*عزيزي معوكس
تحية وبعد:
أشوف عميد (....)مرتفع ضغطه من لقب الكاتب الكبير أبوناصر ويقول أنه الوحيد اللي هتف الجمهور له وش كانوا يقولون
عبدالعزيز السعد-الشفاء
-شيكو..شيكو..!
مع تحيات معوكس وسلامتكم
للتواصل sport@alriyadh.com
فاكس:4871070