سلام ياراس العرب والرجاجيل

سلام يا راس العرب والرجاجيل
سلام يا راع الفعول الجليله
سلام ياللي عطرك البن والهيل
سلام يا راس العرب والقبيله
سلام يا راع الكرم والمعاميل
يا كاسب النودات راع الجميله
يا مكرم الضيفان من شمخ الحيل
يا طيب الأخبار راع النفيله
يا للي عليك يساق روس الفناجيل
شيخاً مكان ابوك مثله مثيله
اقولها للي يشيل المثاقيل
شيال للأثقال لو هي ثقيله
اقولها لسلمان بالصوت بالحيل
ما قولها للي انفوعه قليله
دخيل من كثرت عليه الغرابيل
سلمان ضد مولعين الفتيله
سلمان ما يقبل علوم المهابيل
ما يقربونه ملقحين المحيله
سلمان حر وبا الرجاجيل حلحيل
يمناه في لطم المعادي طويله
يا شبه صقراً بعاليات المطاليل
صيده من الجزلات ما هي هزيله
أبو فهد ما يقبل الظلم والميل
ساس الشريعه حكمهم والدليله
من ساس لابه من كبار المشاكيل
وسيوفهم راس المعادي تشيله
ابن المليك اللي هزم فارس الخيل
عبدالعزيز اللي ردونه ظليله
عبدالعزيز اللي ضوى باظلم الليل
في ليلة ظلما تعشا عميله
تمت بذكر اللي هزم مرسل الفيل
تمت بذكر الله عظيم الفضيله
عبيدالله دخيل الله البلوي