مقر العدل

أصيلة.. ما لها غير الأصايل
هل العوجا.. والانساب الأصيله
عيال العود.. مضراب المثايل
صفاته نادرات.. مستحيله
معزي نعمته.. دامت سلايل
شكرنا الله.. ودامت في بديله
حشا لله ما نرضى بدايل
ولا يرضى الحكم.. غير بسليله
ألا يا حي من للمجد طايل
مليك العرب.. قاده تلتجي له
عطا.. ما رد للي جاه سايل
عدا تقبيل يمناه الطويله
ما يرضى.. خضوع شعبه والتمايل
ولو قادة شعوب تنحني له
كعام الضد.. وظلال القبايل
يجور الحمل.. لكن يرتكي له
هموم العرب.. والإسلام شايل
خدم بيتين.. والثالث يخيله
على وضح النقا.. بيض الفعايل
لا ناش الزند.. صوان الفتيله
مقر العدل.. ما به شي مايل
عدا عقاله.. شويه فيه ميله
ملك باني عدل.. للظلم زايل
وطن.. ما هو مليكه.. عزتي له
والا يا لله يا منش المخايل
تديم العز.. واليمنى الجزيله
ولي العهد.. لا جات الصمايل
يدوس الراس.. ويزبن دخيله
أبو خالد.. أحبه.. حب هايل
ولا لي فضل أحبه من جميله
أحبه كثر.. حبه للجمايل
أحبه كثر.. حبه للفضيله
أحبه كثر.. ما وصول الطوايل
يشوفه ركن.. ونشوفه نفيله
عهد.. ما جال دمي.. في جايل
غلا سلطان.. شيال الثقيله
قسم بالله.. ما أنسى له فضايل
ولو تنسى الكنانه.. فضل نيله
رعى الله مهد خاتمة الرسايل
بلاد العز.. وامجاد جليله
نخيل الخير.. توحيد.. وصقايل
رموز الحكم.. بالرايه دليله
من معزي.. لأبو متعب دلايل
إجابة ربنا.. دعوة خليله
ليوم الدين.. يا بلاد الأصايل
بعز.. وأمن.. وأخصامك ذليله
هجاج الوسوس