اليوم يومك ياوطن

يادارنا دار السعد دار الرجال المخلصين
دار السعود اللي احكموا تشريع ربي بالكتاب
أهل القيم وأهل الشيم على المبادي من سنين
فوق الرمك نيرانه على العدو لاماتهاب
بقيادة اللي ينعرف بالخير والعقل الرزين
عبدالعزيز اللي دحم للموت ماهاب الصعاب
عبدالعزيز الصيرمي دايم بربّه مستعين
رد الرياض بحنكته خلاّ عدوّه في عذاب
ذاك الإمام الفيصلي ذاك الشهم ذاك الفطين
في جيّته كيف أشرقت شمس العدل بعد الغياب
جنده تحت أمره مشت عنده من الخالق يقين
إن الولي رب السماء مقديّه درب الصواب
واليوم يومك ياوطن يوم ٍ به الفرحه تبين
نتذكر اجنود أثبتت حمت نفودك والهضاب
والمملكه تبقى لنا في حفظ رب العالمين
ثم في جهود اللي لهم بالدار بصمه ماتغاب
سلمان لاشان الزمن يمناه يمنى المحسنين
ماقصر بواجب أبد عند اللوازم مايغاب
سلمان ياوجه السعد مليكنا الشهم الأمين
أبوفهد عز البلد كم شال مُعدم مع مصاب
وولي عهده المملكه يدحم على الجنب المتين
ذاك الأمير الفيصلي اللي تحدّى للصعاب
محمد اللي رؤيته تسابق الكل وتبين
نظرة سموّه بالمدى تطلع بنا فوق السحاب