حييت في يوم الوطن حييت يا وجه السعد

سلمان لاشان الزمن مليكنا الشهم الهمام
أهلا ًهلا بك سيدي يا مرحبا يا أبوفهد
اليوم ذكرى غاليه للمملكه دار الكرام
من فضل ربي والدك حقق لنا ذاك الوعد
رد الرياض بحنكته موفقه رب الأنام
عبدالعزيز اللي وقف موقف شجاع ولاقعد
واجه ولاهاب الخصم سهران عينه ماتنام
عبدالعزيز اللي سرى في ليل حالك واستعد
من خلفه رجال الظفر معها البنادق والحسام
عبدالعزيز الصيرمي معينه الفرد الصمد
حوّل على العارض مساء شع الضياء بعد الظلام
عبدالعزيز اللي وقف بمواجه الخصم وصمد
عند اللقاء لاما أتقى يدحم ولاهاب الخصام
عبدالعزيز الفيصلي تاريخ يكتب للأبد
هذا معزي ينعرف بين الأمم قايد همام
عبدالعزيز الفيصلي على الرمك مثل الرعد
معه الرجال المخلصه في حنكته ساد السلام
عبدالعزيز إمامنا منه الخصم ياما ارتعد
ما يوم هاب المعضله مقبل ويمشي للأمام
عبدالعزيز اللي حكم بالعدل ما يظلم لأحد
في جيته ساد الأمن ساد التلاحم والوئام
بأمر الولي رد الحكم والشر عن داره بعد
والشعب في حالة سرور من بعد ما انزاح الغمام
ثم في جهود اللي بذل يعط العطايا ما يعد
ذاك الكريم الفيصلي ذاك الإمام ابن الإمام
والناس جته مبايعه فيها السكينه والسعد
واستبشروا بالفيصلي والكل عايش في سلام..