مع دخلة الوسم زان الجو واخباره واللي لهم رغبة بالبر ذا وقته

يا من يشرفنا هلابه نحييه
أهلاً هلابه مرحبا في قدومه
حنا نحب ضيوفنا الكل نغليه
في جيته نفرح وناخذ علومه
محمد عبدالعزيز الخنيفر - أشيقر
دله ونجر وصينيه ومنفاخ وشداد
جملة معاميلٍ وجلسات مكشات
وجوك تعدل والعرب فيه تزداد
يا ما حلا جوك بدل جلسة الشات
حمد عبدالله الوايلي - حوطة سدير
مع دخلة الوسم زان الجو واخباره
واللي لهم رغبة بالبر ذا وقته
راعي الدلال الحبيب امولع ناره
وبجنبه النجر والمناخ يا بخته
علي الرشيد - رياض الخبراء
أقْدِيت يا مْبَهّرْ من الكيف دلّات
جَوّكْ دوَا منْ حَسِّ بالصّدر عِلَّه
ساعةْ صفا فيها تروِّحْ عن الذّات
في بَرِّ منْ زارهْ نسَى الهمِّ كِلّه
ناصر جمعان آل عوض - وادي الدواسر
وسط الطبيعه زان شوف ابن النشامى
والنجر ودلاله وباق المعاميل
النّار والقهوه من اجداد او عماما
حبها بالقلب جيلٍ بعد جيل
وِلْيَا شعمت النار واجواءك تماما
السَّامِري غَنِّه وطِق المواويل
سعود عائش الحربي - جدة
كفواً عليك ودلتك تقعد الرأس
وترتيب معاميلك يشوق الخيالي
ياللي لك المكشات فله ونوماس
تنسى معه هم العمل والعيالي
في روضةٍ ما داسها كل دوّاس
صوت أم سالم من نسيج الخيالي
دلة بهار يطير معها كل هوجاس
وبراد شاهي لونه مثل دم الغزالي
خالد ناصر المخيمر - روضة سدير
شبيت نارك والعرب مقبلينا
يا مرحبا بضيوفنا كل الاحباب
حنا نتشرف يالربع من يجينا
انا اشهد ان الجو بقدومهم طاب
ريان محمد الخنيفر
بالنجر ودلالك في البر سجيت
وشداد والميعان به فضل ربي
والكير ينفخ ناركم كان شبيت
ومن كل صوبٍ يا ذعاذيع هبي
محمد عبدالله الشهري - أبها
صورة العدد السابق