البرد جانا عقب حرّ .. وبهاذيل شب الحطب يا راعي الكيف شبّه شبّه على لمّت رجالٍ مشاكيل ربعٍ تحاموا بالوفا .. والمحبّه وبهّر لهم دلّه ليا نصفها الهيل وبد الهروج الوافيه لا المسبّه ماجد محمد اللهيب - القويعية يا محلا المكشات من عقب الامطار في خايعٍ ما فيه سَبّ .. ونميمه بين الخزامى والنفل طيب الازهار ومزون تبرق .. والهبايب خفيفه تجلى همومك والتعب والذي صار وتأخذ على ما قيل طاقه جديده محمد السليمان - الرياض ياوى فنجالٍ على النّار محلاه سواه أبو فارس عطيب الضرايب في دلّةٍ مركا على النّار تصلاه وليل خلص صبّه لضيوف وقرايب في طلعةٍ فيها النشاما تمناه وفنجال بنٍ بين ربع .. وحبايب خليف فهيد الحربي - الرياض شبّة على كيفك وأباريق.. ودلال في طلعةٍ للبر زادت جمالي برٍّ يرد الروح في فيّ .. وظلال البرّ عشقٍ لي وسحرٍ حلالي فلّ الحجاج ووسع الصدر والبال على النفود وفوق ذيك الرمالي عثمان إبراهيم الرشيد - الرياض المنظر اللي شاقني فالجريده في ماقعٍ من نايد الناس خالي ناره توهجر .. والدلال الجديده ثلاث صفرٍ من خيار الدلالي ومقداع والمنفاخ رأسه جديده وثلاث أباريقٍ جدادٍ غوالي هذي طراة البر ياللي تريده دلّه ظميرك.. لا تصرّ الريالي سعود مطرب العتيبي - الدوادمي قالوا: ترى للرجل فعلٍ .. ومقدار وعلومٍ اتثمّن بجلسة عربها الجلسه اللي جاء بها شبت النّار كم جلسةٍ ودي بريحة حطبها على يميني به براريد .. وجمار ودلال رسلانٍ هني من شربها في ارض مايظهر بها عج وغبار إلا بها نسمة لواقح هببها عبدالعزيز مفراص المعاوي - بيشة يا زين جلسه مع نشاما ميامين مع الرجال أهل العلوم الجميله يديرها ربعٍ على الطيب ماشين بجواً يسر القلب مابه مثيله وسوالفٍ تعجبك وربوع غالين فيها قصص وأشعار مازين مشيله محمد عبدالعزيز الخنيفر لا زان جوّك يوم هب البرادي عليك بالجو اللطيف المناسب ارك الدلال اللي تراها جدادي صفرٍ تشوقك ما تهم المحاسب والنّار مشبوبه تجيب المنادي فرّج همومك تراها مكاسب حمد عبدالله الوايلي - حوطة سدير البر زين وفيه سجت بالي ننسى الحياة الصاخبه .. والزحمه ولّمت ناري وقهوتي .. ودلالي في صحصحٍ فيه النفس منسجمه مع صحبةٍ ما بين أخوٍ غالي والا رفيقٍ له وقار .. وحشمه ولا جا العصر والحر لفحه زالي يجذب هوى قلبي عبير النسمه حنِّيت للماضي ودمعي سالي أبكي على الألفه وجيل الرحمه ناصر جمعان آل عوض - وادي الدواسر ﻻجل الضيوف مزهّب الشاذليّه يا مرحبا وأهلين باللي يجينا يالله عساها للنشاما هنيّه واللي لفانا اليوم غالي علينا وياما حلا المجلاس والنّار حيّه وعندك ربوع من يسار .. ويمينا ريان محمد الخنيفر من اليوم ورايح والخلاء زان جوّه إن كان تبغى شعيب ولا على رمال مثل الذي فوق الرمل شب ضوّه مع القدوع صفة اباريق .. ودلال ويا زينها لي بلل العرق نوّه ماللدبل داعي حطه على الدال سعود عبدالعزيز الهزاع - نعام النّار شعله .. والمواعين جلاس على الطعوس اللي هواها خزامى سته نشاما همهم كيفة الراس فنجال بن.. وشِعر .. زين الكلاما طلعه ترد الروح تشراء بالالماس تنسى بها همومك .. وتنسى آلاما خالد ناصر المخيمر - روضة سدير جلسة ونس في جو كايف .. وبطران في صحصحٍ توّه من السيل ممطور لا ذعذع النودي ونجم السما بان واشعلت نارك مانت مكره .. ومجبور صف الدلال وخدّر الشاي يا فلان واظبط حليب وزنجل ابريق مبشور مع صحبتك لاصرت شاقي.. وتعبان تجلى هموم القلب لو كان مفطور عبد الكريم النغيمشي - لوذة الجلسه اللي على المجمار تزيل عن قلبي أهمومه أبريق .. دلّه .. وربع أخيار الكل منهم جايب أعلومه الجو صافي بدون أغبار يا ليتها تكثر أغيومه عبدالكريم عبدالرحمن السلّوم - القرائن نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] أو الفاكس رقم: 0114871070 ويا هلا.. صورة العدد السابق
