يا عيال ياللي تحت سدره تقهوون بانت عليكم للسعادة مواري امبدلين ازعاج هالمدن بسكون اعلاج للضوضا سكون الصحاري فلاح الدغيم - الزلفي يا ما حلا الجمعة بروض ونواوير بوادي طلحة من الوبل مخضر وناسةٍ فيها الرفاقه مقارير وسيليةٍ بألوانها الطيف مصفر سالم معزي الفهيقي - تيماء الله على طلعة البران مع ربعةٍ لك شقرديه في روض فيه الشجر مزدان يا ما حلا فيه شاهيه محمد بن فهد الجلعود - سميراء مكشاتكم ساعات في مهد العرب خيراً من المكشات خارج سورها هبة هواها بالعشي تسوي الغرب نفدي مداينها ونفدي بورها في برها والبحر تفريج للكرب والبعد عنها مضيعة يا نورها علي جابر الفيفي - بيشة طاح الحيا واقبلت الأمطار والخير وقت المكاشيت زان وكلشٍ زان لا شك يا اللي تحبون المظاهر حذرا الترهي ترى ما ينفع أحيان أرعود وبروق وعلوم وتدابير وأخذ السبب واجبٍ لو كان ما كان مبارك بن محمد بن طرجم - وادي الدواسر جلسة ربيعٍ بين الأشجار مشكات مغبون ياللي بالمدينة سكنها خمسة نشاما والفكر فيه سجات والزاد بر ووسط جمره دفنها ما أشغلهم الجوال لو زاد رنات سالين مع سحر الطبيعة وجننها خالد بن ناصر المخيمر - روضة سدير يا ما حلا عقب المطر شبّة النار في وسط وادي والمناعير جلاس ماسج فكرك أو بعد قيل محتار مبعد عن اللي يوجع القلب والراس محمد بن معزي الحنيني - الديماسة وشقعدك في ماقعٍ كله أشواك لابه غدير ولا ربيعٍ نشوفه أرضٍ حصاها للقدم حيل فتاك حتى الدبش لو مر تفنى ضلوفه سعود عبدالعزيز الهزاع - نعام يا محلا المطلاع وقت الربيعي في خايعٍ صب المديم وعله الارض خضرا والسما له لميعي والسيل يمشى والمزون اردفله عقلا خزن العنزي- تبوك طلعةٍ يا زينها وقت الربيع والبراري تعجبك بسيولها يا حلو جلسه مع أصحابي جميع والدلال مبهره بهيولها محمد عبدالعزيز الخنيفر مع اعتدال الجو في وقت الامطار يشوقني شوف الزهر في نباته يا ما حلا الخوّه مع الربع الاخيار في وسط براً خايعٍ في صفاته مشروبهم بنٍ على الكيف وبهار على سوالف خير تبدي نواته حمد عبدالله الوايلي - حوطة سدير يا جلسةٍ يطرب لها ضايق البال اللي هموم الحياه اليوم مشغلته يبعد عن الديره على كل الاحوال وزحمة دواير ما تخلص معاملته عبدالله بن عبود السهلي – تبوك خمسة شبابٍ حاضبينٍ على زاد في جو كايف بين ظل وشباريق وان خلصوا كلٍ فعل كل ما راد اللي نعس .. واللي قرب للأباريق عبدالكريم النغيمشي – الربيعية يا محلا طلعت البرّان مع ربعك اللي لهم شاني من خير ربي مطر ودان الله يسقي الأوطاني عبدالكريم عبدالرحمن السلوم - القرائن صورة العدد بعدسة الزميل سلطان الأحمري نستقبل مشاركاتكم على الإيميل : [email protected] أو الفاكس رقم: 4871070 ونرحب بالصور الهادفة والطريفة
