أهني الراعي وكل الرعية

بسم الذي نزل تبارك وياسين
الواحد المعبود رب البريه
اعيادنا بالعام ما غير عيدين
عيد ارمضان وعيد ثاني ضحيه
في عيدنا الثاني عساكم سعيدين
اهني الراعي و كل الرعيه
فهد العرب هو خادم البيت والدين
بالخير والمعروف كفه نديه
وعبدالله او سلطان نعم السلاطين
كل اعزومه للمعزه قويه
امبدلين الشين للناس بالزين
خير و أمن والشرع كفه جريه
حكامنا آل سعود للدين حامين
اهل الكرم والدين وأهل الحميه
غصب على الأنذال واللي حسودين
وأهل الجهل واللي اعلومه رديه
عبدالعزيز اموحد الدار بيدين
عساه بالفردوس نفسه رضيه
ويالله تقبل حج من لك املبين
وإغفر لنا معهم اذنوب و خطيه
وعسى الفرح يكمل بعودة فلسطين
ويعود الأقصى خص مسرا نبيه
نصرة صلاح الدين في يوم حطين
بعز العرب يارب حل القضيه
عيدية كتبتها يوم الأثنين
من قلب مخلص طاوعنه يديه
غير الغلا ما يدفعن غير ثنتين
حب الوطن وأشعار تامر عليه
واللي نشرها وطرزه بالعناوين
مشكور له مني سلام او تحيه
وصلو على اللي يسكن القلب والعين
الهادي المبعوث حجة وليه
فهد بن عقيل زايد الطويان - بريده