كتب لغز الأسبوع الماضي للصفحة الشاعر أحمد بن ناصر المحرج من الرياض، الذي يقول: ياويش رجل(ن) مسكنه بيت(ن) كسيف ياشين حزة طلعته كانه طلع دايم ببيته نايم(ن) حاله ضعيف يَنْفَعَكْ بأمر الله الا منه شلع وكانت حلول الشعراء: لغزك يابو ناصر ظريف من ظريف بعد ما يطلع يجي بعده هلع حله الارباق في بيته نحيف من يشوفه زاغ عقله وانخلع علي الرشيد - رياض الخبراء اللغز ما وضحت له بالتواصيف هذا ترا الارباك لامنه طلع الله يلطف بالبشر والله لطيف تراه مارّكب كذا ولا دلع سعد صنهات السهلي - الدرعية هذا الايرباق اللي إليا طلع يخيف يا شين طلعاته إليا منه طلع هذا جواب اللغز لا ماله وصيف انا رمعت الحل مثل اللي رمع محمد بن عبد الرحمن أبو دحيم - البدائع الغازك يابو ناصر تجي على الكيف ابا انتظر اسبوع كان حلي طلع ايرباق حل اللغز فالطاره مخيف كم واحدن من طلعته صابه هلع خليف فهيد الحربي - الرياض لِيْ رمعةٍ لَعَلْ حظي له حليف واللغز عند البعض مع حله ولع ايرباق حل اللغز إلطف يالطيف إِلْيَا انطلق بين المنايا والهلع سعود عائش الحربي - جدة لغز الأسبوع كتب لغز الأسبوع للصفحة الشاعر حميد الحربي، ويقول: وش عجوزٍ حيرتني وابعدوها عن ولدها مالها الا هالولد قايم بها لله دره الولد لو مات عنها مشكلتها آمر وأدها هي تموت ولا يجيها منه لو مثقال ذره نستقبل الرمعات والحلول خلال أربعة أيام من نشر اللغز على الإيميل: [email protected]
