اللغز

كان كاتب اللغز الماضي الشاعر سعد صنهات السهلي من الدرعية ويقول :
انا بنشدك عن عذراء تراهاخير من رجال
ترى ماقلتها الله عالم الاسرار قايلها
تراها تنفع اللي في حياته منتبه مامال
الا ياعزتي للي على ماقيل يجهلها
ترى فيها مثل هذاء المثل دايم ترى ينقال
انا وضحت لغزي بس حلل يامحللها
وتوصل للحل شعرا :
هلا واهلين عد الهيل وعد نجوم ليل طال
وابرمع لغزكم ياهل الخزامى ثم احللها
ترى الصلاة خير من ينوم الرجل يارجال
ولي عاده الى رمعت رمعه ماابدلها
احمد بن ناصر المحرج/الرياض
هلا يا مرحبا بك دوك حلي ما يريد اهمال
صلاة بوقتها ما قلته الله قبل قايلها
ورأس اللوم ذاك النوم صحيح اللي سبقنا قال
و كل الناس كل الناس توزن من عمايلها
محمد ابودحيم-البدائع
الا يا مرحبا بك يا سعد والحل جاك ارسال
عدد ما هل همال وتنزّل من مخايلها
نشارك ربعنا بالحل ما ينقص ولا مثقال
حله صلاة يا ربعي عسى ندرك فضايلها
علي رشيد الرشيد-رياض الخبراء
ترى مهما صعب اللغز لابد له حلال
وكل حيله ولوكانت صعيبه غصب احايلها
وحيا الله على الصلاة وثم افلحوا يارجال
الا ياحظ من يقوم فيها وويل مهملها ...
زبن مقبل العنزي - بريده
لغز الاسبوع
يكتبه للصفحة الشاعر خليف فهيد الحربي من الرياض ويقول:
ياهل الخزامى اللي تحبون الالغاز
عندي لكم لغز جديد مسويه
ياويش رجال مع الغرب مافاز
بالغرب مايذكر مير الروس تغليه
رمز على ماقيل محبوك ممتاز
عند العرب معروف والناس تقنيه
نستقبل الحلول على البريد الالكتروني
rb-khozama@alriyadh.com
أو الفاكس 014871070
كما نرحب بطرح الألغاز الجيدة
وننوه بعدم المشاركة الازدواجية بين اللغز وصوت الصورة واختيار احدى الزاوتين.