الشاشة اللي تنقل العلم تصوير.. هذا جوابي بالنقط والحروفي

كان لغز الأسبوع الماضي من طرح الشاعر صالح إبراهيم المرشود من الرياض، والذي يقول:
ياويش بيضا تجمع الشر والخير
باليد تلقاها وفوق الرفوفي
اول ثلاث حروف للجرح تطهير
والعكس يظهر في عظام الضعوفي
وكانت الرمعات الصحيحة من أصل 92 حلاً:
يابادع لغزك خذ الحل بعصير
قبل الغياب ورمعتي ماتطوفي
الشاشه اللي تعطي الناس تقرير
عن كل شي ياعوين الضعوفي
أحمد بن ناصر المحرج - الرياض
يابو مرشود الله يصبحك بالخير
انا اشهد انك الحجاوي تحوفي
الحل شاشه صح للجرح تطهير
هذا جواب اللغز بأربع حروفي
‫محمد بن عبد الرحمن - ابو دحيم - البدايع
يا صالح المرشود صبحك بالخير
كل لحل اللغز دلا يحوفي
الحل شاشه ما يجي حلها غير
ارسلت حلي والمرامع صدوفي
علي الرشيد - رياض الخبراء
يالله يلي كاتب مرزق الطير
يا عالم كل الخفى والظروفي
الحل شاشه مايبي زود تفكير
دايم تراعيها وعينك تشوفي
حمد عبدالله الوايلي - حوطة سدير
الحل شاشه ومن غير تفكير
باليد تلقاها وفوق الرفوفي
اول ثلاث حروف الشاش تطهير
والعكس هش'ن' في عظام الضعوفي
عبيد محمد البيشي
ياللي تريد الحل للحل تبرير
اللي على بعض الاوادم يطوفي
الشاشه اللي تنقل العلم تصوير
هذا جوابي بالنقط والحروفي
سلطان محمد عبود العتيبي - الرياض
* لغز الأسبوع
كتبه الشاعر علي برجس الجعفري من الرياض، ويقول:
أنشدك عن بنت هنا وبعمانا
اربع حروف اسمه وله شان مذكور
اول وثاني حرف خوف وهوانا
وآخر ثلاث حروف موجود ببحور
نستقبل الرمعات والحلول حتى يوم السبت من كل أسبوع،
وذلك ببيتين، على البريد الإلكتروني:
rb-khozama@alriyadh.com