اللغز

كتب لغز الأسبوع الماضي الشاعر سعد بن مسهوج الجبرين من رغوه، والذي يقول:
انشدك عن رجل قديم ومزيون
مايظهر الا عقب رجل نحبه
اسمه مركب والبشر له يعرفون
ومن لا يعرفه يافتى الجود كبه
اول ثلاث حروف له فن وفنون
والجيب فلل تانكيه وعبه
ووصل للقسم مئة واثنان وعشرون حلا وكانت الرمعات الصائبة:
دوك الجواب اللي نظمته على النون
ولغزك يبن جرين محد يسبه
والحل قوس للمطر حل مضمون
قوس القزح كل وربي يحبه
أحمد بن ناصر المحرج - الرياض
اللغز حليته مع اللي يحلون
قوس بسبع الوان صوره ربه
صالح بن إبراهيم المرشود - الرياض
اللغز واضح زين يا للي تعرفون
بعد مطر يجيك كلن يحبه
محمد بن سليمان العجلان - الرياض
ارسل جواب اللغز وانتم تعرفرن
قوس القزح مزيون كلن يحبه
الوان طيفه كلها فن وفنون
عقب المطر نشوف وجهة مطبه
خليف فهيد الحربي - الرياض
انا قريت اللغز والحل مضمون
واللي نزل سيل حديث بربه
سيف المطر يظهر على صفحة الكون
ما ظن احد بالبسيطة يسبه
علي الرشيد - رياض الخبراء
قوس القزح يظهر لنا بعد المزون
بعد المطر يظهر و كل(ن) يحبه
محمد بن عبد الرحمن أبودحيم - البدائع
وحل اللغز نثرا
قوس المطر .. كلنا شوفة نحبة
ونحب المطر قبله ياللي تعرفون
خلف بن عايد السّحوم القصيم بريدة
ثامر سند الرمال - حائل
فريح عامر البادي -جبه
غالب ظاهر الجنيدي - رفحا
سعود عايش التميمي الحربي من جدة ونأمل أن يكون الحل مكتوبا على الايميل، وليس صورة ترسل بالايميل
لغز الأسبوع
كتبه للصفحة الشاعر خالد المرشود من الرياض، ويقول:
انشدك عن بنت بريح العبيري
ماتنزل الا ياعرب بالطماني
اول ثلاث حروف شي ن كثيري
وعكس الثلاث حروف رجال عاني
نستقبل الحلول خلال أربعة أيام من نشر اللغز ببيتين
على البريد الإلكتروني:
rb-khozama@alriyadh.com