اللغز

لغز الأسبوع الماضي كتبته للصفحة الشاعرة آمنه بنت محمد العطيفي من رياض الخبراء وتقول:
أنشد عن اللي شايله عدة عيال
هي من فصيله والولد من فصيله
ماظنتي تخفى على كل رجال
كل يشوفه كل يوم وليله
الحل حولك حاول الحل بالحال
الحل جار(ن) لك وعندي دليله
كانت رمعات اللغز الصحيحة شعرا:
منارة المسجد على كل ابو حال
المأذنه فيها قصير و طويله
هذا جواب اللغز يا طيب الفال
و اللي سمع صوت المؤذن يجي له
محمد بن عبد الرحمن - ابودحيم / البدائع
يامرحبا باعداد ماوادي سال
او كثر ماكبر براس الطويله
واللغز اجيبه ثم احله بالامثال
المكرفون ومأذنه ينعني له
احمد ناصر المحرج - الرياض
يا بنت حل اللغز ياصلك بالحال
المأذنه يا بنت ما له بديله
الله يعز الدين و يعز الابطال
اللي على الحد الجنوبي وكيلة
رود بنت حمد السحيباني - البدائع
ياامنه فزتي على كل من قال
ولومانحل اللغز والله فشيله
لكن خذي حله على الوقت والفال
المأذنه والمكرفون بصهيله
حمد عبدالله الوايلي - حوطة سدير
ياقاف انا لك جيت من ضيقة الباال
واللي جفاه الزين واعزتيْله
ماعندي الا إحْمود ًوالنار وادلال
وصفحة خزامى مدلّهة من تجيْلِه
يا آمنه لغزك بلا شك واجدال
المِئذنه ياحيْ صوتٍ ن تشيْله
فهد بن عقيل الطويان - بريدة
عذرا ترى من فوقها رسمة اهلال
ماهي قصيرة نعتبرها طويله
منارة المسجد وجت لي على البال
والمكرفون اللي سمع له يجيله
سعد صنهات السهلي - الدرعية
الماذنه يا بنت من فوقها هلال
و اللي سمع صوت المؤذن يجي له
مكبرات الصوت من صوت رجال
هذا جواب اللغز و نبغى بديله
راكان بن عبد الرحمن - البدائع
لغز الاسبوع
كتبه للصفحة الشاعر صالح المرشود من الرياض ويقول:
ياويش رجال مقدر ومحشوم
عند العرب واللي لغتهم رطينه
خمس حروفه له قوانين وسلوم
له عندنا ياراعي العرف عينه
اول ثلاث حروفه اوجاع وهموم
وآخر ثلاثه بارمته المكينه
نستقبل الحلول على البريد الإلكتروني
rb-khozama@alriyadh.com