كسوة الكعبه وانا قلت انه حله والله اني هاقي انه هو هوه

كتب لغز الأسبوع الماضي للصفحه الأخ علي بن سعد بن هتلان من الرياض، ويقول:
الفتى واقف وأمه تحت ظله
يمنع امه من شموس وبرد جوه
ما ابتعد عن والدته العمر كله
غير ساعه ثم يرجع في سموه
ما أجمله من فوق الأم بزهو حله
وياكثر من شاف الام وناس توه
وللأسف من قرابة ثمانين حلا لم يتوصل للرمعة الصحيحة سوى:
مرحبا واللغز إليا جانا نحله
ثوب الكعبه حل لغزك زان جوه
هو ظلال الكعبه طول العمر كله
جاك حله كان عندك غيره سوه
محمد بن عبد الرحمن أبو دحيم - البدائع
ابن سعد جاب لغز في محله
صافي ما فيه حشو ولا تموه
ثوب بيت الله اكيد وهذا حله
عظمه رب البرية من علوه
علي الرشيد - رياض الخبراء
حل لغزك صعب محدن فاطنن له
والله انك حاكمه بالحيل قوه
كسوت الكعبه وانا قلت انه حله
والله اني هاقي انه هو هوه
سعد صنهات السهلي - الدرعية
اللغز وَافِيْ يا علي مافيه خله
ومع كايف الفنجال جانا الحل توه
الفتى ثوبٍ وأمه كعبة الله
في ديرة الاسلام دِيْنٍ مع مروه
وصفحة خزامىً كل ماتنشر نجله
يَالله تمد اللي ورآها ابكل قوه
سعود عائش الحربي- جدة
لغز الأسبوع
كتبه للصفحة الشاعر أحمد بن ناصر المحرج من الرياض ويقول:
ياويش رجل(ن) مسكنه بيت(ن) كسيف
ياشين حزة طلعته كانه طلع
دايم ببيته نايم(ن) حاله ضعيف
يَنْفَعَكْ بأمر الله الا منه شلع
نستقبل الرمعات والحلول خلال أربعة أيام من نشر اللغز على الإيميل:
rb-khozama@alriyadh.com