حله هبه واللغز محبوك مدروس

كتب لغز الأسبوع الماضي الشاعر صلاح اليابس من الدمام، الذي يقول:
أنشدك عن بنتٍ يحبونها الناس
وأسمه صحيح إلا قريناه معكوس
يعطونها ناس لبعض ناس بإحساس
ويلقى بها ناسٍ مداهيل وغروس
وقد وصل لإيميل الصفحة 94 حلا لم يتوصل للرمعة الصحيحة سوى:
اهلا هلا باللي حبك لغزه ألماس
لغز نظيف من الشوايب ومن سوس
واظن حله هبه والناس للناس
ذا حسب عرفي والنبل داخل القوس
أحمد بن ناصر المحرج - الرياض
لغزك هبه يعطونها الناس للناس
مرات عينيه و مرات بفلوس
يا طيبها يا سعود من قلب واحساس
هذا جواب اللغز يا طير قرناس
محمد بن عبد الرحمن أبو دحيم - البدائع
اللغز لامن صار مبني على ساس
ترجم عن اللي داخل الصدر محبوس
ارسلت مرماعه اتى عقب هوجاس
حله هبه واللغز محبوك مدروس
علي الرشيد - رياض الخبراء
اللغز حله هبه ياطيب الساس
والسنبله تنتج لنا جملة فلوس
وصفحة خزامى دورها يرفع الراس
واللغز يايابس جميلٍ ومدروس
سعود عائش الحربي - جدة
اللغز حبك وسبك ينبع من الراس
واحيان يجيك اللغز صعب ومنحوس
الحل (هبه) لبعض الناس لا باس
والى كتبته يطلع النطق معكوس
خليف فهيد الحربي - الرياض
حل اللغز الأخير هو (هبه)
سلام للي علومهم ترفع الرأس
يعطي هبه من مال في البنك محبوس
يرجو بها وجه الولي خالق الناس
يوم لا ينفع احد مال محروس
علي بن سعد بن هتلان - الرياض
لغز الأسبوع
كتبه محرر الزاوية من الرياض ويقول:
ياويش رجل سكن له بنت
والبنت من ضمن رجالي
تحتاج له مرة لا امعنت
وماهو على كل الاحوالي
يمكن تعود كما قد كنت
والا عليك الدهر مالي
نستقبل الرمعات والحلول خلال أربعة أيام من نشر اللغز على الإيميل:
rb-khozama@alriyadh.com