يسبك اللي عاجز عن دروبك لا فاعل فعلك ولا هو مجنبك

كان بيت الأسبوع مجاراة لبيت الشاعر رشيد الزلامي -رحمه الله- الذي يقول:
وكان صدى هذا البيت من الشعراء أكثر من رائع:
لا تسمع اقوال العدو ذا كذوبك
و اعتز في فعلك وسرعة تجاوبك
معَ قريب الدار والاّ صحوبك
وهذا العلوم اللي تطوّل شواربك
ذا عاجزن عنها العداوه بصوبك
لا غاربه يمكن يعارض لغاربك
يقنعك رب عالم في عيوبك
و اطلب من الله ذا يحقق مطالبك
محمد عبدالله الشهري - جبل اثرب
خبل ن يقول لبليس ياهيه دوبك
وإبليس يقول خلك مع الحقد والدبك
السب منه مدح ينساب صوبك
لا لا تحسبنه يهينك وينشبك
ترا النقيصة ثوب ما هو بثوبك
للمنطق الفارغ وللجاه والسبك
صالح محمد محارب البشري
قله تراهم يا ولد ما دروبك
تمشي على كيفك ومشيك على الدبك
مرفوض ما قلته وواضح اسلوبك
لا تفهم المعنى ولا العلم ادبك
واللي تصادقهم هم اللي وشو بك
ولا لقيت اللي على الزين هذبك
علي الرشيد - رياض الخبراء
من مَا رقا مرقاك واظهر عيوبك
ودربك سليم.. أيزيد ذا في مكاسبك
عجزٍ يخالطه الحسد صوب صوبك
ويومه فشل بالدرب جوده يأنبك
والبعض لو برَّيتهم ما دروبك
مأجور والله من أذاهم يجنبك
سعود عائش الحربي - جدة
هَمّش ضعيفٍ دومْ دوبهْ ودوبك
كلْما سمع اسمك بمجلسْ يِعَذْرِبْك
امْضايِقِهْ جودٍ جرى مِنْ جُيُوبِك
وِيْغَارِ منْ فضْلِك وِطِيبَةْ منَاقِبْك
يَجْحَدْ حَسَانِيِّكْ وِيِشْهِرْ عُيُوبِك
وبْدَاخِلِهْ وِدِّهْ يُكُونِ بْمراتبْك
أبْعِدْ عَنِهْ لا تِدْخِلِهْ في قُرُوبك
بعْدك عنِه عِدّه منَ أعظمْ مكاسبْك
ناصر جمعان ناصر آل عوض - وادي الدواسر
هذا سلومه مايطابق سلوبك
واحرص من اللي ينوى اليوم ينهبك
فكر بشخص لا طلبته ينوبك
واحسب حساب اللي على الطيب يحسبك
ميّز طريقك من شمال وجنوبك
وابعد عن اللي له هدف دوم يسلبك
محمد بن عبد العزيزالخنيفر- اشيقر
بعض العرب زيحه ورى عن دروبك
لانافع نفسه ولاهو معبرك
واليانخيته نس ماهوب صوبك
خله على يسراك لاصار جنبك
خليف فهيد الحربي - الرياض
ماله علاج وماتفيده طبوبك
سوادنفسه باين ثم يغضبك
حاقد عليك وغايرمن سلوبك
احمق وخله بالك اليوم يقربك
همه يفتش دايم في عيوبك
هذامريض النفس والله يتعبك
فرقاه خيرولويبي من ذنوبك
لاتلتفت له غيره الي يناسبك
حمد عبدالله الوايلي - حوطة سدير
لابد تعرف من طلبته ينوبك
وابعد عن اللي له دروب يحاربك
واترك سلوم اللي دوام يعوبك
البعد مكسب وانتبه لايتعبك
ولامن ركبت الخيل اوزن ركوبك
واللي عليك الرفق في وقت مركبك
ريان بن محمد الخنيفر - أشيقر
بيت الأسبوع
طرحه للصفحة الشاعر محمد عبدالله الشهري من جبل أثرب، ويقول:
آمل وضع هذا البيت الغزلي لزاوية بيت وصدى للأسبوع المقبل
ياصاحبي غنيت فيك القاف
وردة على الانهار مسقيه
نستقبل صدى هذا البيت بهذه المناسبة خلال أربعة أيام من نشر البيت على إيميل الصفحة:
rb-khozama@alriyadh.com