عدو نفسه من سلك درب الإدمان

كتب بيت الأسبوع الماضي للصفحة الشاعر عبدالكريم ابن خزيّم من البكيرية حول قضية الإدمان والمخدرات كفانا الله إياها وعصم أبناء المسلمين منها ويقول:
عدو نفسه من سلك درب الإدمان
في هم عايش وبغثى وامتكدّر
وكان صدى البيت من الشعراء :
يبي يتخدر بالمخدر وينهان
يبقى ورا القضبان حكم ن مقدر
واذا ماتاب اصبح مع الوضع ادمان
مسجون بمخدر وشكله مدحدر
الله يرفع عنه امين يا أخوانًً
ويكفينا شر اللي علينا يصدر
صالح البشري - الرياض
يا مضيعين العقل واتباع شيطان
افعالكم شينه سلوك امتحدّر
نفسك امانة وان تهاونت خسران
اسلك دروب المرجلة ثم بدّر
اطلب رضا ربك بصدق وبرهان
وابعد عن المسكر وشرب المخدّر
علي رشيد الرشيد - رياض الخبراء
هذي سلوم(ن) خايبة وانت غلطان
أقلع وتلقى الخير وخل المخدّر
اليوم في نعمة وافهم العلم يا فلان
أنت على هالحال بفعلك مقصر
وانت على فعلك ترا اليوم ندمان
خذها نصيحة والله اللي يدبّر
وحافظ على الطاعات ودروب الايمان
ولا تطاوع الشيطان لازم تفكر
محمد عبدالعزيز الخنيفر - أشيقر
سلكت درب ما له اليوم عنوان
عقب الرجولة والسناعة تحدّر
هذا الفعل مرفوض وغاوي وهيمان
الوقت قدمك ولا تصير متحجّر
أنت سلكت دروب من فعل شيطان
ودرب به الخيرات صار متعثر
هذي رسالة واحذر تصير حيران
لا يجيك يوم تنتهي ومتحسر
ريان محمد الخنيفر - أشيقر
شوفوا شباب راح في كان ماكان
من سبة مخدر شباب ٍ محدّر
مع درب مظلم سبت سلوك شيطان
حطه بسوء ادمان وعقله تخدر
ضيع شبابه بين عله وزنزان
والدمع من عينه يفوح وتحدر
مشعل بن صنت العصيمي - الخرج
من لا يعز النفس اكيد غلطان
بكره يضيع شيمته ومتدحر
من لا يبرق زين ياعنك غرقان
وماينفع الانقاذ عقب التدهور
من خالط الاجرب ترى علاجه دهان
ويبطي علاجه ونوب يمكن ايتعذر
خليف فهيد الحربي - الرياض
يبشر بهم وغم مع زود الأحزان
مصايب في كبرها ماتحدر
تذهب عقول الناس في سر واعلان
بلوى على راسك تجيب المخدر
كم واحد(ن)شتت حياته والأخوان
مدمن عليها والسجون يتصدر
يالآدمي حذرا ترى الشر فتان
لاماتقول ان المواقف تقدر
حمد عبدالله الوايلي - حوطة سدير
العقل نعمه ميزة عند الإنسان
ويالآدمي بالعقل دوم امتصدر
حذراك من بلوى ومن كل شيطان
وابعد عن الممنوع وايضا المخدر
جنب عن الآفات ترتاح يافلان
اسلك طريق الحق والخير قدر....
عبدالمحسن بن محمد المحيسن - رياض الخبراء
من لا تمسك في عُرى خير الأديان
يسلك دروبٍ للمهالك توَدِّر
أدمن وصارت سيرته حَكْوة إلسان
أصبح مِثَل كلٍّ بوضعه يعبِّر
هذا قتيل وذاك مابين قضبان
وهذا عقوقه فاق كل التصور
واللي سرق أهلٍ وربعٍ وجيران
واللي بطريقه ينهبه ما يوفر
وهذا يبي جرعه ولو كان الأثمان
ايْبيع عرضه دون أدنى تأثر
ناصر جمعان آل عوض - وادي الدواسر
بيت الأسبوع
أرسل الأخ غالب بن ظاهر الجنيدي من رفحاء هذا البيت الذي يأمل أن يكون له صدى من الشعراء عبر هذه الزاوية والبيت للأمير محمد السديري والذي يقول:
كم واحد له غاية ماهرجها
يكنها لو هو للادنين محتاج
نستقبل صدى هذا البيت بثلاثة أبيات فقط خلال ثلاثة أيام من يوم النشر
ويكون الإرسال عبر الإيميل: rb-khozama@alriyadh.com