الأسبوع الماضي كان بيت الأسبوع المطروح للشاعر/ فارس الثبيتي من الرياض والذي يقول: يا انوي المسجد قبل تدخل الباب فضلاً تصمت نغمة البرتقاله وكان صدى البيت من الشعراء كالتالي: ونقول لك شكراً على حسن الاداب الله يجنبنا طريق الضلاله وتخلو مساجدنا من أنغام الاغراب والمسلم العابد خشوعه يناله قدسية المسجد لها شأن وحساب واللي يحسب إحسابها طاب فاله محمد بن عبيد الديحاني- رياض الخبراء أوقفل الجوال وفتك الانشاب افتك دعوه خاشع اشغلت باله يمكن يسجد وينشغل وانت الاسباب اغلق طريق الشر مالك وماله هذي نصيحة من محب إلى احباب رجل من أجل الخير يدفع حلاله سلطان بن حمد الحبابي- الطائف ياراعي الجوال أبذل للأسباب وقفل جوالك لا تزيد الجهاله وأحذر هوى نفسك ولا تصير لعاب وأعرف ترى كلا محاسب لحاله لامن دخلت المسجد وجيت محراب اخشع لمن حطيت وجهك أقباله خالد بن ناصر المخيمر- روضة سدير خلك مؤدب وألتزم زين الآداب وخل المصلي كل واحد وحاله مافيه داعي تزعج ولاله أسباب أزعاجك المذكور لاجاء مجاله ريح ضمير وريح عقول وأعصاب شخصاً من الله يرتجي من زين فاله خالد بن غنام المليحي وراك ياغافل ظلومات وعقاب حاسب ضميرك لا تقع في جهاله ترى بيوت الله سلطان الارباب ماهيب مسرح للغناء والضلاله وانصحك بدل نغمة إبليس ياشاب من هاتفك لا تفتخر بالسفاله علي جابر الزولاني الفيفي- فيفا واقفل جهازك واخشع لرب الارباب هو ربنا المعبود جلَّ جلاله وأسمع حديث بكل منبر ومحراب ونزه مساجدنا عن البرتقاله وصلو عدد مزن من الغيث سكاب على رسول الله في كل حاله راشد بن سيف بن ناصر النتيفات لا تحرم السجد الاجر حني الارقاب الخاشعين الله جلَّ جلاله أسلك طريق الخير واعمل بالاسباب واترك طريق الشر وأهل الضلاله لاتغرك الدنيا تراها ام الانشاب تمهل ولا تهمل سريعة زواله بدر بن خلف الخزيمي مني سلام للخزامى والأصحاب ولأبو رجا مني سلام لحاله النصح واجب بيننا ما هو عتاب حيث المساجد هي بيوت الجلاله المحتسب ماجور في فعل الاسباب كلش بحقه لو على قد حاله سالم البشري/ الجبيل أزعجتنا وأنته بخيص بالأسباب بنغمات مشبوهة ونغمة رساله والناس في المسجد شباب وشياب دعوا على راعي الفتن والضلاله تبغى الصحيح أني من الوضع مرتاب لاواهني إللي من الوضع داله إبراهيم بن مسمار القحطاني- الرياض عظم بيوت الله واحسب لها احساب تراك منته داخلك بقاله متدري انك مغضبن رب الارباب الخالق اللي كل عبداً يساله عبيد فنيس الوهبي- النعيرية فعلك ذميم ويجعل الكل منصاب واقول انا غلطان من ذي فعاله بدنياك تلقى يافتى ذم وعتاب ودربك مشين فيه غي وضلاله اقول درب الخير داعيه ماخاب ومن طاوع الشيطان واعزتاله محمد بن عبدالعزيز الخنيفر- أشيقر مرفوض من يسعى على خدش الألباب وخصوص لا جاء للفرايض مجاله معلوم للمسجد خشوع وله أسباب سنة نبي صادق بالرسالة أشوف أنا لوحات تكتب على الباب وقليل جدا من جهل بالجهالة سعود بن سعد الخافي- الرياض بيت الأسبوع من طرح الشاعر/ محمد بن عبيد الديحاني من رياض الخبراء ويقول: ودي نصيف في مصايف بلادي لكن جحيم أسعارها واقف لي والبيت يناقش قضية غلاء الأسعار في الصيف وخاصة السكن ومحلات الترفية. تستقبل صدى البيت بثلاثة أبيات فقط على فاكس 4871070 خزامى الصحارى - زاوية بيت وصدى
