الأسبوع الماضي كان بيت الأسبوع من طرح الشاعر/ نافع الحربي من الرياض والذي يناقش قضية تشققات الطرقات وكثرة الحفريات. الشارع اللى كله امياه وحفور من ينشده عن علته وش سببها وقد كان صدى البيت من الشعراء الشارع اللي كله مياه وحفور أخبرك أنا عن علته وش سببها ضعف العمل وقل الرقابة لها دور ولأحد يساله عن مخاطر حفرها تأخذ لها أيام وأيام وشهور وأكثر حوادث طرقنا من سببها بريت مضحى الشمري- الرياض ياهل تراه إهمال ولا به قصور ولا الصيانة وقفت من تعبها ما أحد نظر للمشكلة تسعة شهور في وسط الاحياء صار سبة غضبها لابد من حل يجي فيه دكتور ومهندس نعرف مساوي سببها سعد ين لافي الروقي - الرياض أنا المقاول واسمي فلان مستور مقاول من الباطن أبغى أكتسبها من صاحب المشروع لي جزء محصور ومصرح لي مدة ما احسبها ولا همني لو ياخذ سنين وشهور الواسطة تمشي وانا في طلبها محمد بن عبيد الديحاني- رياض الخبراء الشارع المحفور منسي ومدمور مدري طواها الوقت وأبطا عطبها ليت الصيانه تشتغلها على الفور إهمالها في ذمة اللي حجبها يامن يوصلها للوزارة ومشكور يمكن معاليه يتدارك سببها خالد بن سجدي المهيدلي- الرياض راع الخطا للناس يعرف ومخبور ذاك المقاول والخطايا كسبها لو يعتذر من غش ماهوب معذور حقيقته بانت لو إنه حجبها والمجلس المنظور له دور مذخور حقوق الذي معطيه صوته طلبها فهد بن عقيل الطويان- بريدة صار المشي به وقت الامطار محظور نمشي معة والمشكلة نحتسبها المشكلة هذي لها ايام وشهور مضالنا مدة وحن في نشبها ومدري متى تنحل ونشاهد النور وتصبح شوارعنا من ابها إلى ابها سلطان بن حمد الحبابي- الطائف العله إن مصممه ماخذا الشور وكيفيه الميول لا ما حسبها وأيضا المقاول كان ماهوب مجبور أهل كثير شروطه اللي كتبها واللي يراقب عنده العرف ميسور ويخاف من كلمه كثار شعبها محمد جلمود الشكره كنه بحيره تحتوي كل محظور عطل مواترنا وضاعف نصبها ياكم شكينا عدة سنين وشهور لكن ماحد سمعنا من عربها واليوم ننصي سيدي وافي الشور متعب عوين المشتكي من نشبها علي جابر الزولاني الفيفي- فيفا أنا نشدته قال أنا اليوم مجبور وحياتي الله لا يسبب عطبها هذي ترى حاله من سنين وشهور وترى السبب ناس قليل شببها وأسبابه أنه صار في حي مغمور ومطالبه مدري من اللي حجبها إبراهيم بن مسمار القحطاني- الرياض هو مادرى أنه بالحفر دوم مجبور يوم البلدية تجاهل طلبها اللى ترشح فالمجالس لهم دور نشوف فعله يوم صوته كسبها يخدم بلده ويظهر الحق والشور ويبين اللعبه مع اللي لعبها محمد عبدالله المجلي-حوطه بن تميم أنا نشدت وقال يافلان مخطور محد درى عني ولا أحد حسبها متها لك من عام ومتروك شهور ويا ما إشتكت حالي زمان عطبها لا مستجيب ولا صيانه على الفور مدري كسل ولا الخلل من عربها سعود بن سعد الحافي- الرياض- بيت الأسبوع كتبه/ فارس الثبيتي من الرياض ويقول: يا ناوي المسجد قبل تدخل الباب فضلاً تصمت نغمة البرتقاله ويناقس البيت قضية أصوات الجولات أثناء الصلاة ومافيه من عدم احترام بيوت الله. نستقبل صدى البيت بثلاثة أبيات فقط على أن تناقش القضية المطروحة كما نرحب بطرح بيت الأسبوع على أن يناقش فضية اجتماعيه هادفة على الفاكس 07010784 خزامٍى الصحارى - زاوية بيت وصدى.
