يا صاحب التريله تراك أنت غلطان هذا الفعل محظور وﻻ يمكن يكون قفلت درب الغير والكل حيران افتح دروبٍ للعرب حيث يمشون الحرص مطلب ترى اليوم يا فلان ﻻواهني اللي على الخير يسعون ريان محمد الخنيفر - الرياض اربط وحاسب لا تصيب التريله شف الخطر قدام عينك تشوفه سواقها المطفوق نفسه عليله وإليا اعترض لك لا تحاول تطوفه امن من عيون الرقابه تجيله يسرح ويمرح ما يحسب كلوفه حمد عبدالله الوايلي - حوطة سدير تريلةٍ طويلةٍ طولها أمتار الله يعين السايق ويشد حيله عجز يلف الطاره والفكر محتار سد الطريق وزود الحمى مليله وش جابك وسط الديره يالله يا ستار صديق دربك بالخطوط الطويله خالد بن ناصر المخيمر – روضة سدير غشيم واللي مسلمك ذا النقل فيه عرق يبي كوي كبير في راسه ما جرّب السواق من قبل يعطيه الشاحنة وأجرى عليه الدراسه عليمي ونظام السير ما ينطبق فيه شوف الطريق العام سده وحاسه سعود عبدالعزيز الهزاع - نعام عجل وخل الدرب يا صاحب المور افتح طريقٍ للعرب يسلكونه منت على هالحال يا صاح مجبور وسط البلد والناس دايم يجونه هذي رساله وافهم العلم والشور مثلك يعرف الدرب ما تجهلونه محمد عبدالعزيز الخنيفر - أشيقر ذي شاحنه والسايق إنسان غلطان مظهر تخلف كل يومٍ يزيدي زود الطمع خلاه بالحيل عميان مكابرٍ يمشي ورأسه عنيدي محمد إبراهيم الفهيد – الزلفي صاحب المقطوره إحرص على السير بوقت السماح أو صير باللف بيطار والثاني رصيف للكل به خير بالأنظمة ممنوع ويعقب أضرار سعود عائش الحربي - جدة طول الرصيف يهون ليا حدك البعد وأصبح نظام السير مظهر وديكور وأنت لزبونك تلتزم دقة الوعد اقمز رصيف الخط لو تحدث كسور عبدالملك عبدالكريم - بريدة هذا الفعل فيه التجاوز والأخطار ليه التجني بالخطوط السريعه حمّلت لك حملٍ كبيرٍ بالأسفار منهو يزيد حمول لا.. لا.. تطيعه بشائر القحطاني - الرياض وش حيلة اللي اعترض دربه رصيف هو صمله ولا يهمه شئ لانه سعودي ما كأنه شايل شئ او حمله خفيف والقوانين يناظرها بسفه وصدودي مهند عياش القطيط - الرياض صورة العدد السابق
