بيت وصدى

كان بيت الأسبوع الماضي للشاعر فهد بن عقيل الطويان من بريدة والذي يقول:
لاصار لك عند الرديين حاجه
خله ورب البيت يغنيك عنها
وكان صدى البيت من الشعراء:
يا الّي بتنْصَى الّلاش هذي سماجه
والنفس عن منْ لا يقدرك صنْها
يا الله لا تجْبِر كريمٍ لحاجَه
عساه يمّ النذل ما سال عنْها
البُخْل علِّه ما و جدْناَ علاجِه
واهل الردى حاولْ تفارِقْ ضَعنْها
محمد العيسى - مكة المكرمة
ما بعد ضيق إلا يجيك إنفراجه
خل الأمل باالله والنفس صنها
تجني مكاسبها وتجني خراجه
واخرج زكاتك دوم وادفع ثمنها
تزين امورك كان فيها اعوجاجه
والنفس حاسبها بدقه وزنها
احمد ناصر المحرج - الرياض
ماهوب سيدك كلّ من لَبْس تاجه
اللي سمَع حاجتك ورَاح وركَنها
خلّك مع الله صدْق وبالصّدق ناجه
ورافق خوَيٍّ يحتويك بزمنها
واطلع ولو من عند عنق الزّجاجه
كرامتك.. والنفس قدّر ثمنها
بندرالخنيفر - الرياض
لاتهين نفسك عند ربع السماجة
اللي يبين الشين والعيب منها
ناسٍ ظهر للناس دوم إعوجاجه
وبسوء التصرف تشتهر في زمنها
والرجل دايم للصعايب يواجه
ويبعد عن رخوم الرجال وعفنها
صالح عبدالله الزرير التميمي-الرس
الله ولا حاجه قفتها عجاجه
ردي كأنه ماسكن في رسنها
خله تراها لفتتن ون دراجه
تفرج لمن الرب يسر ثمنها
والقرص خله يحترق فوق صاجه
عجينتن مغشوشتن لو عجنها
فلاح مطر الحربي - القريات
خصٍ اذا جيته وعقّد حجاجه
تشوم عنها لوه غالي ثمنها
لا تعتنز في المعضلة للدجاجة
في جبهته تقرا الخساسات منها
اطلب الهك وبآخر الليل ناجه
يعطيك رزقك والمطالب ظمنها
سعود بن عبدالعزيز الهزاع - نعام
أهل الردى والشين وأهل الهماجه
لا جو طريق (ن) لا تمر أنت منها
ترى الردي وقت اللوازم دجاجه
أفعاله المأخوذ لا خير منها
صن عنه نفسك وارتفع عن سماجه
وانص الرجال اللي يجي الطيب منها
علي بن معاضه - الدمام
ترا الردي معروف صعب علاجه
دروب الردا طبعه ولا يجوز منها
هذي السلوم اللي مشاها سماجة
وهذا هو الفاشل ونفسه وهنها
وفعله ترا منبوذ وفيها الحراجة
أقول هالمسكين حاله دفنها
محمد عبدالعزيز الخنيفر-اشيقر
ترى الردي ممشاك يمه سماجه
لوحاجتك عنده ولابد منها
هذاك مابه غير كثر اللجاجه
اللي ياجت اللازمه صد عنها
عليك باللي ليا جيت يضحك حجاجه
وحاجتك عنده مايحسب ثمنها
زبن مقبل العنزي - بريدة
ترى الردي وان فلّ يومٍ حجاجه0
تقصريمينه والمراجل دفنها"
" كلام مع من هو ردي سماجه
ماقدر أصحابه وثمن ثمنها""
واكسب رجال ماتعرف العواجه
لوتطلبه داره عرضهُ ورهنها""
عثمان الرشيد - الرياض
عز النفس واسجد لربك وناجه
تعطى مطاليبك من اللي فطنها
وابعد عن اشباه الرخم والدجاجه
ترى الحثالة دوم بخس ثمنها
لاتنتصي بوم الخور والسماجه
ياجعل روح اللاش داخل كفنها
علي الزولاني الفيفي - بيشة
عنوتك للرديان تحسب سماجه
ارفع مقام النفس عنهم وصنها
عنز على حر طليق حجاجه
يشوم للعليا ويرخص ثمنها
خل الردي لو كثر ماله دجاجه
مافيه وقت الضيق شخص زبنها
بدر الحزيمي