حلول اللغز

نشرنا في عدد الجمعة الماضية لغزاً كتبه الشاعر ناصر الخرعان,, وكان حله المقص وبعد فرز الحلول الكثيرة التي وصلت من مختلف انحاء الوطن,, اخترنا ما اكتملت فيه شروط النشر فجاءت كما يلي:
الحل واضح لاصغير ولاكبير
ويديك تمسك به يمين ويسار
هذا المقص يصير ولا مايصير
الحل واضح والخطا بالاعتذار
حمد محمد الرشيدي
ينبع الصناعية
***
يامرحبا باللي نشر لغز جدير
به المعاني واضحه والاختصار
هو المقص اللي على الطاقة يدير
ممشاه واحد من يمين ومن يسار
محمد سعد الغضوري
الرياض
***
حي الجواب اللي لفى وجابه خبير
من ناصر الخرعان جابه بابتكار
هذا مقص يخلي الطايل قصير
قول الجناحي واضح دون اختبار
عبدالله سعد الجناحي
***
لغزك يابن خرعان يلقاه الخبير
وأبين على ماقيل من شمس النهار
هذا المقص اقولها مافيه غير
اقولها ياصاحبي لك باختصار
سعد بن صنهات السهلي
***
لغزك يابن خرعان ذا سهل ويسير
والحل عندي واضح مثل النهار
هذا مقص لامشى مشيه خطير
خص إلى منه تعدى بالمسار
علي بن صالح العاقول
بلدة المنسي القصيم
***
في صفحة عندي كما نسم العبير
لقيت فيها للحجاوي اعتبار
حليت انا ذا اللغز حيث إنه يسير
هذا مقص لامشى حدد مسار
راعي بريدة
بريدة
***
لغزك يابن خرعان له حل يسير
كلمه وجاتك بالجزيرة باختصار
هو المقص,, حروفك لحله تشير
ماهوب ياكل غير لاحرك وسار
رخيه الرويلي
زلوم
***
أنا انشغلت وجعل هذا الامر خير
ابطيت عن صفحة طويلين العمار
صفحة تراث آسف على الهرج الكثير
ترا المقص الحل هذا الاختيار
محمد سعد ال جناح
القويعية
***
أنا قريت اللغز واعجبني كثير
تعيش ياناصر ولك قدر ووقار
هذا المقص ولاهو طويل ولا قصير
قص الطوال يلين خلاهن قصار
عبدالهادي فهاد العرجاني
الافلاج النايفية
***
لغزك يابن خرعان ابد ماهو عسير
واظن من مثلي يحلونه كثار
هو المقص اللي صحيح اكله كثير
ياكل ومايشبع بليل ولا نهار
ساره محمد
الرياض
***
حنا عرفنا الحل يالرجل الخبير
هذا المقص ولا على حله غبار
بالفاكس وإلا نرسله عبر الاثير
يبحث وراك بكل حي وكل دار
نايف قزعان الحويماني
الرياض
***
سلام للي صاغ لغز من الضمير
اعداد ماهل المطر والطير طار
لغزك مقص لامشى حده شطير
ياكل ولايشبع بليل ولا نهار
محمد صالح التميمي
الرس
***
لولا الجزيرة كان مدري ويش يصير
خليتو الابداع مبدا اول قرار
ياهل الوفاء والعرف والعقل الكبير
الاوديه ماتمشي الا بنحدار
لولا المقص يخلي العاقل يحير
الاعتذار افلح برد الاعتذار
محمد عبدالكريم الغزي
الزلفي
***
قريت لغز بادعه رجل خبير
يامرحبابه عدما وقع وطار
ترا المقص ياصار مسنون وشطير
يقص ماشافت عيونه في نهار
طلال شياب اللغيصم
حائل
***
العلم بحر ياهل الطالة غزير
معلوم ماله ساحل ولا له قرار
صحيح,, وإن شاورت بالرمعه خبير
قال: المقص غيره ترى مالك خيار
فهد الجروان
الزلفي
***
لغز لابن خرعان ماهوب العسير
واضح ومعروف ولافيه احتيار
هذا المقص اللي ترى فضله كبير
له حاجة يازينها وفي كل دار
محمد بن عبدالعزيز الخنيفر
أشيقر
***
نمشي وناصل ربعنا باسرع مسير
والله يزيد تراثنا حب ووقار
الحل ياناصر مقص يابصير
دايم نشوفه عندنا شكله كثار
علي رشيد الرشيد
رياض الخبراء
***
ياناصر الخرعان ذا شي خطير
والظاهر انه لامشى حل الدمار
ذاك المقص والظاهر انه مايطير
ماتعرف الرجل اليمين من اليسار
سعد مويزر مشعان البدراني
***
حياك ياناصر عدد طير يطير
واعداد ماشال الشجر ورد وثمار
ترى المقص ان صار مع شخص خبير
يضبط اثيابك لاطوال ولا قصار
منصور عبدالله المجيدل
***
يامرحبا ترحيبة فيها العبير
من خاطري في مولده تاسع نهار
شفت المقص اللي على اللقمة شطير
من يعترض فكيه يبشر بالدمار
أحمد بن محمد بن عبدالعزيز الفهد
***
ناصر هلابك عد ماحي يسير
لغزك قريته بالفضا قبل المطار
ترى المقص حله وغيره مايصير
مع من يخيط وقص وأيضا بكل دار
فهد بن عقيل الطويان
بريدة
***
اللغز مايحتار به فطن بصير
والحل واضح ماعلى لغزك غبار
ترى المقص نستعمله فوده كثير
مشي المقص فيه العجب والاعتبار
علي بن محمد العمار
الرياض
***
حييت يالخرعان يالرجل القدير
واللغز حله عندنا يصدر قرار
هذا المقص اللي كلا صوف وحرير
ياللي تعلم للحلاقه في الصغار
مبارك العتيبي
حائل
***
لغز الجزيره صاغه الرجل الخبير
بيتين من شعره وزنها باختصار
وفي محتواها لغز لكنه يسير
مقص والحلاق حطه له شعار
سالم مقبل الحربي
القيصومة
***
يامرحباً باللغز من شاعر خبير
نبعث لكم بالحل من دون انتظار
هذا المقص اظن ماحله عسير
نستعمله في قص حاجات كثار
فهد محمد الصنعاوي
***
اشهد ان اللغز من شخص خبير
يوم فكر فيه جاد الاختيار
المقص يا ماكلا صوف وحرير
وأكله ماينفعه ليل ولا نهار
عايد عوده الدهمش
الاحساء
***
مفردات اللغز من شاعر كبير
فيه متعه وللذكيين اختبار
المقص مجبور لاراد المسير
لامشى رجليه تمشي بنشطار
فاضل زبن الشمري
الاحساء
***
يامرحبا باللي نظم لغز كبير
عد الغصون وطاير وقع وطار
هاك المقص عندي على كيفي يسير
مايسقم الخياط ساعة من نهار
فهد السبت
الزلفي
***
الرجل رجلينه قفاهن مستدير
يوجد مع الرحل وساكنة الديار
ذاك المقص اللي يقص به الحرير
ويقص ماتحتاج لابسة الخمار
سعد الكثيري
الحريق
***
ياصاحبي لغزك ترى لغزاً مثير
عبر التراث نصوره صورة شعار
هو المقص ياصاحبي ماله جفير
هذا جوابي واكتبه بالاختصار
خالد سليمان ابراهيم الجريش
الرياض
***
ياهل الوفاء والعرف والراي البصير
اللغز له رمعه تحله باختصار
ولغزك يابن خرعان ذا ماله مطير
عن المقص ولا له اسم مستعار
حواس الديري
قبه
***
اللغز حليته وله حل قصير
والحل مايحتاج مني الانتظار
شاهدت عم حمود تفصيله مثير
قلت المقص الحل عندي بختصار
احمد محمد مطهش
***
ياشاعر تغرف من الجم الغزير
خذ حل لغزك يوم صغته باقتدار
حنا نعرف ان المقص بطنه كبير
ياكل ووزنه مايزيد به العيار
وعند الحميدي واحد مثله صغير
يقص بعض بيوتنا للاختصار
عطا الله بن سليمان العطا الله
الزلفي
***
اللغز يبغى فكر رجال خبير
يهدف على المرمى ولو بالجو طار
عرفت حل اللغز رجال يسير
هذا المقص ولا بها شك يثار
مشاري خالد الدعجاني
شقراء
***
يامرحبا بك عد ما دار المسير
ياناصر الخرعان يانسل الحرار
مايعرف الألغاز ياكود الخبير
هذا مقص لازمٍ في كل دار
خالد محمد صقر الصفق