نشرنا الأسبوع الماضي لغزاً كتبه الشاعر/ راجي نوار السويدي يقول فيه: نبي نشارك في تراث الجزيرة لمتابعين اللغز واللي قراها يا ويش بنت صار نفعه لغيره كل خضع لأمره وكل دراها ما جودة يا ناس في كل ديره تامر وتنهى والمحامي وراها وجاءت الحلول الصحيحة كما يلي: مشكور يا مشرف تراث الجزيرة واللي معه والقاري اللي قراها اللغز واضح ما يشبه بغيره ذيك الإشارة بالشوارع تراها حاشم خلف الشمري الرياض يا مرحبا باللغز واللي يديره ترحيبة دايم يذري ذراها البنت إشارة جعل في الأمر خيره دايم عملها في الشوارع تراها بداح بن محمد بقيم الشهراني الرياض إن كان تسأل عن حلول الخطيره بنتاً ترى العاقل يدور إرضاها على التقاطع واقفه مستديره تصدر اوامر والخطا إن عصاها شبيب فهيد فهد السبيعي الخرمة يا مرسل لغزك بصفحة شهيره جمهورها واجد وكلٍ شراها لغزك يبونواد زان تعبيره وهي الاشارة بالشوارع نراها خالد سليمان الجريش قريت لغزاً فيه علم وبصيره عن بنت تنفع من مشى في هواها وحلّه إشارة يا الوجيه السفيره منظّمة للسير ما أحداً شكاها عيد مقبول الفليو الشراري القريات يا مرحبابك عدّ ما طار طيره واعداد ما هل المزن من سماها إشارة المرور صارت خطيره يا كود جرم اللي بمشيه عصاها علي بن خالد الحمد الرياض يا مرحبا ياهل الوجيه السفيره وبالصفحة اللي عاليٍ مستواها البنت تاقف بالتقاطع نذيره اشارة المرور محدٍ غواها فلاح صالح الدغيم الزلفي اللغز يا راجي عرفنا مسيره بنتٍ وأنا أول من وقف في ذراها بنتٍ تحب العدل عميا بصيره هذي الاشارة كلنا من وراها مشعل فهد مهوس الشمري الرياض تبقى الجزيرة باهتمامي جديرة على الصحف متميزٍ مستواها أما الذي ينشد نجيبه وغيره حتى الإجابة تقنعه لاقراها ناظر الإشارة بالعيون البصيرة من طافها سدد قسيمة جزاها محمد هذال آل بريك اتصالات الرياض يالشمري مثل العلم فوق نيره بنتٍ لمع عند الحميدي سماها بنتٍ تراها لمن عصاها خطيره والويل ثم الويل للي عصاها محمد المويعزي بريدة سلام منيٍ عدّ وابل مطيره للي هرب من موق عينه كراها لغز السويدي ما دخل فيه حيره وانا اعتقد كلٍ عرف من قراها متعب خلف البزيع الرياض نكتب لبو نواد عبر الجزيرة شهادة يسعد ليامن قراها هذي الاشارة والاشارة خطيره الجاهل اللي لا مشى مايراها عبدالعزيز بن ناصر السياري ضرماء أهلا بمن وصف ولاهي عسيره كلٍ يشاهدها وكلٍ يراها هذي الاشارة فايدتها كبيرة ولابد ما نخضع ونلزم سراها حجي بن حجي العتيبي عنيزة النفع شامل والسلامة بريره وهذي الاشارة يالسويدي تراها اللي يعصاها ما يوكد مطيره يطيح له ببلشة ما احتراها عبدالله بن موسى الصطام المحلاني الحر يفهم بالإشارة مبره حافظ على سيره ونفسه شراها ريح السلامة شمها مع عبيره خلا الندامة ما وراها وراها موافق محيمد الشراري المدينةالمنورة يا هونها لا اهل العيون البصيره بنت تعلّق بين الأرض وسماها هي الأشارة للمخالف خطيره خطيّتة لابد يلقى جزاها محمد علي السالمي رفحاء ودي اشارك في فنون الجزيرة في حل لغز ظامري ما خفاها اشارة المرور يااهل البصيرة واللي تجاهلها يحصل جزاها مانع رهيدل الحربي الخرج يا مرحبا حييت في كل سيره يا شاعر زين المعاني بداها اللغز واضح والوصايف شهيره مثل النجوم الساطعة في سماها ذيك الاشارة كل شخص تديره واللي عصا لابد يلقى جزاها سفر مشبب الشطيطي العمار الله يسهل من نوى للمسيره ويفكه الله من حوادث بلاها ولغز السويدي بنت لوهي صغيره اشارة عند التقاطع تراها فالح هريسان الشراري دومة الجندل يقول من هوجس وغنى ضميره ودور حلول اللغز حتى لقاها اشارةٍ تضبط,, نظام المسيره رجال المرور ارجالها,, هم,, حماها مفرح علي الحربي بريدة/ حي الصبيحية قريت لغزك في تراث الجزيرة يابن الرجال اللي بعيدٍ مداها والحل ابا اجيبه ولافيه غيره ذيك الاشارة وانتبه لاتعصاها زهران عون الله المطيري بريدة لغزاً قريته في تراث الجزيرة بالصفحة اللي عالي مستواها اللي لها عندي مكانه كبيره ولغز السويدي زاد فيها حلاها ينشد عن اللي ما تعرقل مسيره وليا عصاها انسان ياخذ جزاها سعيد مسعد مخضار الحربي حيّ التراث وحي منهو يديره واللّي نشد حياه واللّي قراها اللغز حلّه بان مافيه حيره إشارةٍ للسير راجي عناها عاش الخطر والشر جابه لغيره اللّي قطعها عمد واللّي نساها فهد بن عقيل الطويان بريدة هذا السويدي طاب أصلٍ وسيره نظم عقود النجم تالي سراها في لغز واضح للعقول المنيره اشارة مرورٍ ونوقف وراها علي بن صاحب العمري ياحي من صاغ اللغز من ضميره بابيات من نظمه حشا ما شراها قطع (الإشارة) له نتايج خطيره والعاقل اللي انتظر واحتراها منصور عبدالله المجيدل الرس حييت ياراع العلوم السفيرة إعداد ما هل المطر من سماها البنت صارت يالسويدي شهيرة إشارة مرورٍ كل عاقل رضاها فهد الجروان الزلفي يااهل العلوم الغانمات الكبيره اجهودكم كلٍ عيونه تراها العاقل اللي ماسك خط سيره وان جاء الاشارة كل همه رضاها الزلفاوي يااهل الجزيرة يالوجيه السفيره جتنا بيوتٍ ماكذب من رواها العود الأزرق فاح ريحه عبيره والاشارة ما ربح من عصاها الأيمن الزلفي قريت لغز وافي بالجزيرة وسط التراث اليوم كل يراها فكرت في حله وكيف اتعبيره نبغى جريدتنا ونمشي وراها خل الاشارة همتك بالمسيره واصحى تعداها يطبق جزاها علي رشيد الرشيد رياض الخبراء لقيت بالصفحة بيوت خطيره يعيش من بالفكر جود بناها فكر وجاب اللغز تنظيم سيره إشارة والعسكري في حماها زيد سعود العتيبي حائل يقول شاهر مرحبا بالجزيرة والصفحة اللي هاضني محتواها سمعت لي لغز رموزه غزيره بنت لبيب العقل يكسب رضاها إشارة نظم بها خط سيره يلقى الجزاء بالحال رجل عصاها شاهر محسن العتيبي حائل السائق الماهر يحكم ضميره عند الاشارة ينتظم في سراها ان ولعت خضراء يعجل مسيره وأن ولعت حمراء وقف واحتراها صويلح بن عبيان الشيباني الرياض يا مرحبا باللي سأل بالجزيرة واللي مشارك وسطها واشتراها البنت دايم يالسويدي سهيره وهي الاشارة بالشوارع تراها محمد بن مريقب السويدي حائل قريت لغز من رجال العشيرة عبر الجزيرة واهني من قراها إشارة فيها الفوايد كثيرة بامر الولي تحمي ولازم تراها واللي قطعها ضايع في مسيره يلقى التعاسة من مشى مااحتراها محمد بن عبدالعزيز الخنيفر لعل في تأخيرة الأمر خيره والطيبة ما ينغبن من شراها من دار حاتم طي نعم العشيره راع الوفاء وثق مقاضب اعراها ياطيّب السيره نظيف السريره شفنا الاشارة ما يذري ذراها محمد عبدالكريم الزلفي يا مرحبا والبنت في كل ديرة لازل نصف الليل جاها بلاها هذي الاشارة عينها مستديرة فيها ثلاث عيون تالع حداها عبدالهادي فهاد العرجاني الأفلاج/ النايفية أهلاً هلا اعداد وبل المطيره واعداد نجمٍ ساريٍ في سماها بالحايلي واهل الوجيه السفيره اهل التراث اللي علا مستواها هذي الإشارة طوعها به ستيره عن الحوادث ربي يكفي بلاها عبدالحكيم بن علي الطريقي الزلفي سلام مني عدّ ماطار طيره وعّد الرمال اليابسه مع ثراها لغزك يابو نواد عندي مصيره إشارة الشرطي وقفنا وراها وصلوا على محمد نذيره وبشيره من الشرك والطاغوت ربك براها سالم زيدان التميمي الآدمي لازم يراجع ضميره لا يعتذر ويقول سج ونساها ترا الاشارة بالشوارع مديره العاقل اللي بس يدرك رضاها سعد صنهات السهلي الدرعية البنت تسكن في مساكن خطيره بين الشوارع كل منا يراها إشارة فيها منافع كثيره الشكر منا للذي ما عصاها سعد الكثيري الخزان البنت معروفة ودايم سهيره على نظام الناس ما احد عصاها ما تستميل بحكمها مع عشيره وعقابها قاسي لو أحدٍ نساها هي الاشارة حال مافيه غيره لازم نطاوعها ونمشي وراها مخلد محمد حشيش الشراري الرياض هذي إشارة بالتقاطع بصيرة خضرا وحمرا واضحات نراها ترى محاميها نجومه كثيره يمسك عليك البينه ما احتراها! ماجد الطويان
