يا ناشدٍ عنها تراها هوانا ذلول بدوِِ لها شان مذكور

كان لغز الأسبوع الماضي من طرح الشاعر علي برجس الجعفري من الرياض، الذي يقول:
أنشدك عن بنت هنا وبعمانا
اربع حروف اسمه وله شان مذكور
اول وثاني حرف خوف وهوانا
وآخر ثلاث حروف موجود ببحور
وقد وصل للصفحة 73 حلا ولم يتوصل للرمعة الصحيحة سوى:
يازين لغزك ياطويل السنانا
والحل اجيبه يابن برجس على الفور
ذلول لامس الحقب للبطانا
تعجبك وتوردك والبال مسرور
أحمد بن ناصر المحرج - الرياض
أنا حاولت الحل والحل حانا
ولقيت حل اللغز باللوح مذكور
هذا ذلول الخير زِينة وطانا
يا الجعفري ياطيب لغزك ومشكور
محمد بن عبد الرحمن ابو دحيم - البدائع
شد المطيه ياعلي ماتعصانا
وجنوبها تزهى الدويرع مع الكور
ذلول مايشكي قراها عصانا
مرباعها بديار عرعر وابا القور
الأسود هندي العنزي/ الزلفي
يا مرحبا بك يوم لغزك لفانا
نفرح بطرح اللغز والكل مسرور
حله ذلول حلنا واخويانا
واللي يقوم بنشر الالغاز مشكور
علي الرشيد - رياض الخبراء
نشد عن ذلولٍ غلاها ابتلانا
وفي حبها والله مانيب مجبور
وإن كان به ذلٍ بيشبب عمانا
ما ننحني لو تحته اللول منثور
فواز العيسى - الرياض
يا ناشد'ن' عنها تراها هوانا
ذلول بدو'ن' لها شان مذكور
الذل شين ومسبب'ن' للهوانا
واللول يبغى تغوص له غبة بحور
عبيد محمد الدقي السلولي
يا علي لغزك واضح لي وبانا
ذلول تراها صبور على الجور
محمد سليمان العجلان - الرياض
ياللي سبكت اللغز على هوانا
يجيك حله فوق هذا ومشكور
هذي ذلول منول في حمانا
هذاجوابي من قريته على الفور
حمد عبدالله الوايلي - حوطة سدير
وعلى وزن آخر:
اللغز حله ذلول تبعد خطانا
يوم السبق فايزه وركابها مسرور
تنهب ضياح الخلا وتلفي معشانا
وتسري بليل سواده ما ظهر له نور
عبدالله محمد آل مسلم -
الحلوه بحوطة بني تميم
لغز الأسبوع
كتبه للصفحة الشاعر خليف فهيد الحربي من الرياض، ويقول:
ياويش بنت تجتول دايم الدوم
اربع حروف اسمه اكيد وضماني
اول وثاني حرف مميت معلوم
واخر ثلاث حروف اسم لمكاني