اللغز

كان كاتب اللغز الماضي الشاعر عقلا بن ثنيان الحمد من حايل الذي يقول:
لغز لعقلا يا فتى الجود منشور
يا للي تحل اللغز فكر وعطناه
يا ويش بنت ساكنه بيت مستور
وحزت خروج البنت يطيح مبناه
البيت بامر البنت دام ان لها دور
وليا انتهى دوره ترى البيت عفناه
وقد توصل للحل شعرا:
عقلا عساك بخير مبسوط مسرور
لغزك رهيب وواضح وزين معناه
فالجسم روح فعلها حيل مخبور
خالقها واحد كل ابونا رجيناه
سبحانه اوجد للمخاليق دستور
فوايده بالعين حنا رأيناه
احمد بن ناصر المحرج - الرياض
سلام يا عقلا تحيه ومشكور
اللغز جيد والاجابه عرفناه
الروح حله داخل الجسم مستور
لا جاء الاجل للشخص ربه توفاه
علي رشيد الرشيد - رياض الخبراء
ما دام حي الشخص فالبيت معمور
واليا طلعت روحه ترانا فقدناه
الله يبعثنا على الحق والنور
والروح هي الحل حنا عرفناه
محمد ابو دحيم - البدائع
ياللي طرحت اللغز تسلم ومشكور
والروح حل اللغز لو طار صدناه
دربك خضر تمشي على الورد و زهور
انته طلبت الحل والحل جبناه
حبيب فريح الشامي - البدائع
يا مرحبا واللغز من حبك دكتور
لغزا ثمين بفضل ربي كشفناه
الروح حل اللغز والجسم معمور
وليا انتهت في داخل القبر مثواه
مقرن بن متعب الهرف - الرياض
ياللي نشرت اللغز تشكر ومشكور
حنا ندور له ويمكن لقيناه
قلنا الجسد بروح ونقول ماجور
والموت حق وكل مخلوق يا طاه
سعد صنهات السهلي - الدرعية
لغز الاسبوع
ارسله للصفحة الشاعر علي ال زولان الفيفي من بيشه ويقول
ياويش بنت تعشق البعض بالحيل
ولا عشقها غير مرغم ومجبور
تخضع لها الاجيال جيل ورى جيل
شفها بذيك النايفه داخل السور
منزالها عالي بروس القناديل
وبعض الاراضي تعكس الضي والنور
نستقبل الحلول عبر الايميل:
rb-khozama@alriyadh.com
أو الفاكس: 0114871070
كما نرحب بطرح الألغاز الجيدة